Македонскиот автомобилист Игор Стефановски-Иџе во 2023 година ја освои третата европска титула во својата кариера, а прва по осум години пауза.
На последните две трки од сезоната во Европското првенство на ридски патеки [FIA European Hill Climb Championship (FIA EHC)], кои се возеа во хрватскиот град Бузет, Иџе само ја потврди титулата откако и претходно имаше солидна предност во однос на најблискиот конкурент.
Возејќи автомобил на „Хјундаи“, Стефановски победи на седум од десетте трки. Тој беше европски првак во оваа конкуренција и во 2014 и 2015 година.
По освојувањето на титулата, Иџе во декември во Скопје го претстави и новиот автомобил со кој ќе се натпреварува од идната сезона и со кој очекувањата и амбициите се искачуваат на повисоко ниво. Станува збор за „ферари“ (Ferrari 488 Challenge Evo) - автомобил вреден 350.000 евра, со осумцилиндричен мотор, со зафатнина од 3,9 литри и околу 700 коњски сили.
.webp){kind=icon}
