Сараевскиот филмски фестивал (СФФ), во својата триесетта година, која ќе ја одбележи во текот на летото 2024-та, означува значајна долговечност и влијание во глобалната филмска заедница. Тој е еден од најголемите филмски фестивали во Југоисточна Европа. Неговиот придонес во зачувувањето на културниот идентитет на Босна и Херцеговина се рефлектира во презентацијата на домашни и меѓународни филмови.
Неговото влијание врз летниот живот во Сараево е особено значајно, кога градот буквално пулсира во ритамот на фестивалот. Тој ја претставува туристичката, социјалната и економската слика на Сараево, и не само филмската туку и културната. Статистичките податоци покажуваат зголемена посетеност, со раст од 33,7 отсто во однос на 2022 година. Економскиот придонес се проценува на 10,3 милиони конвертибилни марки (пет милиони евра) и 99 работни места годишно.
Со 30 години зад себе, СФФ не само што го слави минатото туку гледа и кон иднината, цврсто посветен на мисијата за промовирање на филмот, културата и различноста.
.webp){kind=icon}
