Вкупниот финансиски ефект од специјализираната изложба Експо 2027 во Белград, според сегашните процени, би требало да надмине една милијарда евра. Од тоа, околу 600 милиони евра би требало да бидат директен ефект, додека околу половина милијарда евра се очекуваат како индиректен економски профит. Сепак, многу поголем финансиски ефект се очекува од инвестициите што ќе ѝ претходат на самата изложба, во чии рамки се планираат национален стадион и нова саемска зграда во комплексот каде што ќе се одржува самата изложба, заедно со голем број сообраќајници, како и станбен простор. Покрај тоа, предвидена е и изградба на нови хотели. Севкупно, станува збор за финансиска инјекција вредна 12 милијарди евра, од која, според процените на експертите, најголема корист ќе има градежниот сектор.
Четири милиони очекувани посетители е еднакво на годишниот број на пристигнувања на туристи во Србија, па ефектот неизбежно ќе се прелее и на транспортната индустрија, пред сѐ на националната авиокомпанија „Ер Србија“.
Сепак, постојат многу сомнежи дали сѐ ќе оди според планот, со оглед на тоа што најголемиот дел од задолжувањето на државата треба да дојде во време на скапи кредити, а се поставува прашањето за исплатливоста и употребливоста на самите објекти кога Експо 2027 во Белград ќе заврши.
.webp){kind=icon}
