Луксузните модни брендови го прифатија капутот во стилот „оземпик“

Модните дизајнери почнуваат да се оддалечуваат од робусните широки форми, кои се популарни во последно време, кон поелегантни, потесни, понекогаш целосно тесни кроеви.

Во годинашните колекции есен-зима, овој тренд беше најочигледен кај капутите. Јохџи Јамамото, сè уште пред своето време на 80 години, испрати модели на пистата во долги лелеави креации што го комбинираа неговиот темен асиметричен крој со суптилни сиви цветни мотиви. Во „Ферагамо“, 29-годишниот Максимилијан Дејвис значително го стесни традиционалниот модел на капут со нагласени раменици и копче. Дизајнерите од модната куќа „Џил Сандер“, Лук и Луси Мејер, го направија истото тоа.

Можете да ги наречете „оземпични“ мантили - сепак, оваа промена не е нужно поврзана со лекот што ги тера луѓето мистериозно да изгубат десетици килограми. Модата постојано се менува и колку што нејзините расположенија го одразуваат расположението на јавноста толку и го обликуваат.

Јохџи Јамамото е во тренд со тесни палта во својата колекција есен-зима. Автор на фотографија: МОНИК

Мајкл Фишер, потпретседател и креативен директор за машка мода во агенцијата за анализа и прогнозирање на пазарот „Фешн шнопс“ (Fashion Snoops), забележува дека модата реагира со поедноставни познати дизајни на хаотични светски настани - да не зборуваме за економската несигурност.

Но модата е особено вешта да ги направи старите стилови модерни и повторно модерни. Во годинашната зимска колекција, безвременските парчиња во гардеробата како тренч-мантили и морнарски палта се појавуваат во ефективни нови форми со долен раб, кој понекогаш допира до подот, поради што изгледаат издолжено.

Уличната модна естетика, која е на својот врв во последните неколку години, се чини дека е во опаѓање. Според глобалниот моден пребарувач „Лист“ (Lyst), бројот на прашања за поимот „долги тесни палта“ се зголемил за 16 проценти во споредба со претходната година, членовите на генерацијата зед се опседнати со она што тие го нарекуваат „стара богата естетика“ или, со други зборови, класична мода.

Овој тренд е присутен кај младешкиот француски моден бренд „Ами Париз“ (Ami Paris), кој претстави долги палта чиј долен дел се шири, внесувајќи неочекувана динамика. Во „Гучи“, бренд што е проникнат во традицијата, дизајнерот Сабато де Сарно ја отвори ревијата со палто до глуждовите, кое имаше шлиц на задната страна за да создаде драматичен ефект на нишање додека манекенката одеше по пистата.

„Општото расположение кај мажите е наклонето кон почисти линии и пософистицирана естетика“, вели Софи Џордан, која е задолжена за набавка на машка облека за онлајн продавачот на луксузна облека „Митереза“ (Mytheresa). „Рафинирана форма на облека што се носи над друга облека подобро се вклопува со таков изглед“, додава таа.

Особено импресионира темносиниот капут на модниот дизајнер Дрис ван Нотен. Неговото друго омилено парче облека, од модната куќа „Ров“ (Row), се одликува со флуидни пропорции и дух на монашки одежди. Палтото има ремен што треба да ја истакне вашата вита става.

Долг тесен капут од Дрис ван Нотен за есен-зима 2024 година/Извор: Дрис ван Нотен

„Тоа е силен, самоуверен изглед“, вели тој и додава: „Тоа е парче облека што е неверојатно лесно да се носи и да се вклучи во вашата гардероба“.

Оваа последна оцена е можеби најдобрата од сите: овие палта, инспирирани од трендот на слабеење, лесно се комбинираат и со скроена облека и со секојдневна спортска облека. Крис Ким, стилист од Лос Анџелес што работи со музичари и актери, вели дека долгиот капут може да изгледа одлично со приспособени панталони, па дури и само фрлен преку дуксери и тренерки. „Тоа е совршено парче“, вели тој.

Ким смета дека не започнало сè со лудилото по лековите за слабеење, поради кое Холивуд изгледал изопачено, туку со минатогодишната есенска колекција дизајнирана од Ентони Вакарело за „Сен Лоран“. Колекцијата беше полна со тесни палта до подот и палта во крем кашмир, облечени преку блузи со цветен принт.

Оваа колекција можеби на повеќето мажи им изгледа премногу во стилот на филмот „Интервју со вампирот“, па ако сте нови во овој изглед, почнете со нешто познато. Сосема очекувано, „Барбери“ се сврте кон капутот. Класичните материјали како волна или памук ќе ви помогнат да не изгледате премногу футуристички како во филмот „Матрикс“.

Ким, кој често ги облекува своите славни клиенти во подолги палта, вели дека овој нов стил е освежување по трендот на преголема облека што доминира во изминатите неколку сезони. „Ако сакате да направите која било облека да изгледа софистицирано“, вели тој, „долгото палто дефинитивно е задолжително“.