„Ферари“, „адвил“ и чипови за ВИ: 10 компании што треба да се следат во моментот

Откако во јануари беше објавена листата од 50 компании што треба да се следат, ова се десетте имиња што привлекуваат внимание во вториот квартал  - било поради добри или слаби резултати. Аналитичарите на „Блумберг интелиџенс“ (Bloomberg Intelligence) ги идентификуваа најинтересните компании од нивните високодоверливи идеи во фокус (Focus Ideas). Во секое сценарио, кое опфаќа сектори и региони, се дава краток преглед на пазарните двигатели во наредните месеци што ја поддржуваат анализата. - Тим Крегхед

Бродком (AVGO)

Изгледи: ☀️

Broadcom Илустрација: Oscar Bolton Green

Имплементацијата на приспособени чипови за вештачка интелигенција расте, а специјализираните полупроводници („акцелератори“) на „Бродком“ (Broadcom) се значително поевтини од понудите на конкуренти како „Енвидија“ (Nvidia) и АМД (AMD) за специјализирани задачи, како четботови што се користат за корисничка поддршка и често одговараат на прашања. Сè поголемиот успех на чиповите XPU и мрежната опрема за центри за податоци треба да поттикне изненадувачки раст на продажбата во следните две години. - Кунјан Собани

Податоци

Пазарна капитализација: 1,5 билион долари 
Проценета продажба во 2026: 113 милијарди долари 
Предвиден раст на продажба: 69 отсто
Претседател/извршен директор: Хок E. Тан
Компанија: Broadcom Inc.

Двигател:

Извештајот за заработка за вториот квартал во јуни, кој носи нови податоци за приходите од продажба на чипови за забрзување на перформансите на вештачката интелигенција и мрежната опрема, како и детали за неиспорачани нарачки, треба да го потврди изненадувањето во приходите од вештачка интелигенција.

Дојче банк (DBK)

Изгледи: ☀️

Deutsche Bank Илустрација: Oscar Bolton Green

Најголемата германска банка е подготвена да ги надмине очекувањата за приходите бидејќи нејзиниот бизнис со фиксен приход го зголемува пазарниот удел. Со плановите на германската влада за зголемување на трошоците за инфраструктура и одбрана се навестува поголема домашна економска активност и задолжување кај банките. Со силната билансна позиција на „Дојче банк“ (Deutsche Bank), откуп на акции исто така може да донесе значајно изненадување. - Филип Ричардс

Податоци:

Пазарна капитализација: 57 милијарди долари 
Проценета продажба во 2026: 38 милијарди долари
Предвиден раст на продажба: 5 отсто
Претседател/извршен директор: Кристијан Севинг
Компанија: Deutsche Bank AG

Двигател:

Профитот од инвестициското банкарство и растот на германскиот БДП треба да ја поддржат заработката по акција што „Дојче банк“ планира да ја објави во април.

Декском (DXCM)

Изгледи: ☀️

Dexcom Илустрација: Oscar Bolton Green

Производителот на уреди против дијабетес претставува систем за следење на гликозата, кој може континуирано да го следи нивото на шеќер 15 дена, без боцкање во прст. Ова значително подобрување во однос на претходниот модел, кој овозможуваше мерење 10 дена, треба да ја зголеми профитната маржа на „Декском“ (Dexcom) годинава како што расте бројот на корисници. - Мет Хенриксон

Податоци

Пазарна капитализација: 24 милијарди долари 
Проценета продажба во 2026: 5,2 милијарди долари
Предвиден раст на продажба: 12 отсто
Претседател/извршен директор: Џејкоб С. Лич
Компанија: Dexcom Inc.

Двигател:

Резултатите за заработка што ќе бидат објавени во јуни треба да го потврдат растот на профитната маржа од продажбата на новиот производ.

Драфткингс (DKNG)

Изгледи: ☀️

DraftKings Илустрација: Oscar Bolton Green

Загриженоста дека пазарите за прогнози ќе го истиснат традиционалното спортско обложување се смета за преголема. Иако преземањата на апликацијата на новиот конкурент „Калши“ (Kalshi) за време на НФЛ-плејофот го надминаа „Драфткингс“ (DraftKings), оваа позната платформа сè уште има трипати повеќе корисници. „Драфткингс“ оваа година е на пат да ги зголеми приходите од спортско обложување за речиси 10 отсто, надминувајќи ги очекувањата на менаџментот. Во меѓувреме, развива и сопствена апликација за пазарите за прогнози. - Брајан Егер  

Податоци

Пазарна капитализација: 11 милијарди долари  
Проценета продажба во 2026: 6,9 милијарди долари
Предвиден раст на продажба: 14 отсто
Претседател / извршен директор / коосновач: Џејсон Д. Робинс
Компанија: DraftKings Inc.

Двигател:

Претстојните месечни податоци треба да покажат дека апликацијата за прогнози на „Драфткингс“ освојува корисници, а обложувањата на Светското првенство во фудбал во САД веројатно ќе ја зголеми нејзината добивка.

Ферари (RACE)

Изгледи: ☀️

Ferrari Илустрација: Oscar Bolton Green

Долгоочекуваниот суперавтомобил Ф80, чии испораки штотуку започнаа, и целосно електричниот „луче“ (Luce), за кој првите испораки се очекуваат во мај, се само два од дваесетте нови модели што ќе излезат од работилницата на италијанскиот производител на автомобили во следните три години. Иако просечната цена на сите модели пораснала за 24 отсто во последните пет години, „Ферари“ (Ferrari) има договорени нарачки до 2027 година, што треба да ја зголеми неговата профитна маржа над усогласените очекувања. - Мајкл Дин 

Податоци

Пазарна капитализација: 57 милијарди долари
Проценета продажба во 2026: 8,7 милијарди долари
Предвиден раст на продажба: 8 отсто
Претседател на управен одбор: Бенедето Виња
Компанија: Ferrari NV

Двигател:

Резултатите за првото тримесечје што ќе бидат објавени во мај треба да покажат раст на испораките на Ф80, а истиот месец „Ферари“ ќе ја објави цената на „луче“, за да им даде на инвеститорите подобра слика за потенцијалната побарувачка.

Халеон (HLN)

Изгледи: ☀️

Haleon Илустрација: Oscar Bolton Green

Британскиот производител на лекови против болки „адвил“ (Advil), витамини „центрум“ (Centrum) и други медицински производи е во позиција да го зголеми пазарниот удел, особено во САД, пазар што му носи повеќе од една третина од продажбата. Со ниски резерви и маркетинг-кампањи што стануваат сè попопуларни кај купувачите, „Халеон“ (Haleon) треба да оствари раст на заработката од најмалку десет отсто во следните две години, што е над усогласените очекувања. - Дијана Гомез 

Податоци

Пазарна капитализација: 43 милијарди долари
Проценета продажба во 2026: 15 милијарди долари
Предвиден раст на продажба: 4 отсто
Извршен директор: Брајан Мекнамара
Компанија: Haleon PLC

Двигател:

Континуираното зголемување на пазарниот удел во САД во сегментот на лекови против болки и витамини треба да доведе до силен раст на продажбата според резултатите објавени во април.

Јапонската берза (8697:JP)

Изгледи: ☀️

Japan Exchange Илустрација: Oscar Bolton Green

Како што бројот на странски и локални мали инвеститори брзо расте на јапонскиот пазар на акции, водечката берза во земјата е во позиција да профитира. Растечките каматни стапки ќе ги зголемат приходите што Јапонската берза (Japan Exchange) ги остварува од готовината што ја држи како средство за обезбедување  трансакции.  - Шарни Вонг 

Податоци

Пазарна капитализација: 12 милијарди долари
Проценета продажба во 2026: 1,5 милијарди долари
Предвиден раст на продажба: 27 отсто
Извршен директор: Хироми Јамаџи 
Компанија: Japan Exchange Group Inc

Двигател:

Резултатите за фискалната година, чија објава се очекува во април, треба да ги надминат процените за обем на тргување со акции, а зголемувањето на каматните стапки што се очекува од Јапонската централна банка во април или јуни дополнително треба да ја зголеми профитната маржа на берзата.

Магелан (MFG) 

Изгледи: ☀️

Magellan Илустрација: Oscar Bolton Green

Со планираното купување на конкурентската компанија „Баренџои“ (Barrenjoey), австралискиот управувач со средства ќе го зголеми својот имот под управување за една четвртина, на околу 50 милијарди австралиски долари (35 милијарди американски долари), а треба да ја зголеми и заработката. Со оглед на тоа што „Магелан“ (Magellan Financial Group) веројатно ќе продолжи да им исплаќа 80 отсто од својата добивка на акционерите, дивидендата може да порасне за повеќе од десет отсто во деловната година што завршува во јуни 2027, со што значително ќе ги надмине пазарните очекувања. - Мет Инграм

Податоци

Пазарна капитализација: 1,3 милијарда долари
Проценета продажба во 2026: 0,2 милијарди долари
Предвиден раст на продажба: 7 отсто
Извршен директор: Софија Рахмани
Компанија: Magellan Financial Group Ltd

Двигател: 

Гласањето на акционерите за купувањето на „Баренџои“ што ќе се одржи овој месец го означува следниот чекор кон финализирање на спојувањето, давајќи подобар увид во идните исплати на дивиденди.

Мејтаун (3690: HK)  

Изгледи: ☁️

Meituan Илустрација: Oscar Bolton Green

Најголемата кинеска компанија за достава на храна има повеќе од 770 милиони корисници, но се соочува со растечка конкуренција од компании како „Алибаба“ (Alibaba Group), „Доујин“ (Douyin) и други, кои ја користат „лукавоста“ на вештачката интелигенција. Ова особено се однесува на „инстант купувањето“, со кое се гарантира достава во рок од 30 минути, како и на купувањето непрехранбени производи како патувања и резервации на хотели.

И покрај претстојното преземање на компанијата за достава на намирници „Дингдонг“ (DingDong) од страна на „Мејтуан“ (Meituan), извесно е дека профитот на компанијата ќе биде разочарувачки бидејќи провизиите од трансакциите ќе бидат ограничени. - Кетрин Лим

Податоци

Пазарна капитализација: 62 милијарди долари
Проценета продажба во 2026: 59 милијарди долари
Предвиден раст на продажба: 16 отсто
Претседател на управен одбор / извршен директор / коосновач: Ванг Шјинг
Компанија: Meituan

Двигател:

Со оглед на тоа што се очекува конкурентите да објават агресивни планови за раст базирани на имплементација на вештачка интелигенција, прометот од корисници и профитите на „Мејтуан“ изгледаат ризично слаби.

Тејлор Вимпи (TW/: LN) 

Изгледи: ☁️

Taylor Wimpey Илустрација: Oscar Bolton Green

Надежите за раст на изградбата на нови куќи на британската градежна компанија изгледаат премногу оптимистички. Бројот на новоизградени куќи на „Тејлор Вимпи“ (Taylor Wimpey) би можел да порасне само за околу еден отсто во споредба со неколкукратно повисоките процени. Дополнително, добивката на компанијата веројатно ќе биде помала од пазарните очекувања поради намалениот број на нарачки, бидејќи на пазарот се појавуваат сè поголем број постојни куќи за продажба. - Ивона Ховенко 

Податоци

Пазарна капитализација: 4,1 милијарди долари
Проценета продажба во 2026: 5,1 милијарди долари
Предвиден раст на продажба: 2 отсто
Извршен директор: Џени Дали
Компанија: Taylor Wimpey plc

Двигател:

Објавувањето ажурирани податоци за продажбата планирано за април и извештајот за заработка што треба да биде објавен во јули најверојатно ќе откријат колку би можела да се намали добивката на компанијата.

 

*Податоците за прометот се процени за 2026 година.
*Пазарната вредност е од 26 март 2026.