.webp){kind=icon}
Поранешен претседател на Република Словенија и поборник за влез на Западен Балкан во ЕУ.
Борут Пахор е еден од најистакнатите политички претставници од осамостојувањето на Словенија. Тој беше единствениот што ги вршеше сите три највисоки функции во националната политика - беше претседател на долниот дом на парламентот, премиер и претседател на републиката. Последната функција ја извршуваше во два мандата, меѓу 2012 и 2022 година, кога на таа функција го наследи Наташа Пирц Мусар, првата претседателка на републиката во историјата на Словенија.
Пахор, дипломиран експерт за меѓународни односи, како претседател се залагаше за влез на земјите од Западен Балкан во ЕУ. Тој беше иницијатор на процесот Брдо-Бриони, годишниот состанок на шефовите на држави од регионот, а беше и еден од клучните актери за обезбедување на кандидатурата на Босна и Херцеговина за членство во ЕУ.
Некои му забележуваат дека за време на својот мандат направил повеќе за регионот отколку за Словенија. По завршувањето на претседателскиот мандат, Пахор би можел да стане главен лобист за успешна словенечка кандидатура за местото непостојана членка на Советот за безбедност на Обединетите нации.
