Ниските температури низ Велика Британија во последните денови го принудија секој петти професионалец да ги промени работните шеми и да се врати во канцеларија, честопати за да заштеди пари за греење. Истражувањето, спроведено меѓу 1.700 работници во Обединетото Кралство (ОК) на независниот одбор за работа „ЦВ-Лајбери“ (CV-Library), покажа дека 20,5 проценти од испитаниците одлучиле да се вратат на работа наместо да работат од дома поради екстремни зимски услови.
Речиси три од секои пет испитаници од тие што се чувствувале принудено да одат во канцеларија го сториле тоа за да заштедат на сметките за греење и електрична енергија во домаќинството. Преостанатите 44 отсто рекле дека бараат социјални интеракции откако биле изолирани поради студениот бран.
„Овие резултати го одразуваат не само влијанието што времето го има врз работната сила во ОК туку и, како кризата со трошоците за живот и менталното здравје, исто така станаа клучни фактори во современите работни практики“, рече Ли Бигинс, основач и извршен директор на „ЦВ-Лајбери“.
Иако нешто повеќе од половина од анкетираните работници не ги промениле работните шеми поради временските услови, некои од тие што избрале да не се вратат на работното место, дури и да сакаат, како причина за таквата одлука ги навеле загриженоста за несигурниот јавен превоз, небезбедните услови за возење и високите трошоци за гориво.
„Влијанието на времето врз економијата на Британија е сериозна тема“, рече Бигинс.
„Последиците од тешките временски услови не се ограничени само на намаленото трошење од страна на потрошувачите и проблемите со снабдувањето и дистрибуцијата“, истакна Бигинс.
.webp){kind=icon}
