.webp){kind=icon}
Високите температури ќе се задржат низ Северна и Западна Европа во наредните недели, со особено екстремни температури што ќе го погодат Пиринејскиот Полуостров до крајот на јуни.
Живата во Севилја, на југот на Шпанија, месецов се прогнозира да достигне максимум од близу 45 Целзиусови степени, според податоците собрани од „Блумберг“. Според моделот на Европскиот центар за временски прогнози со среден опсег, следната недела температурите ќе достигнат до 34 степени во Берлин и до 27 степени во Лондон.
Жешкиот период може да ја зголеми побарувачката за ладење во земјите што се потпираат на климатизација, како што се Шпанија и Португалија. Се зголемува и потенцијалот за суша, што претставува проблем за хидроенергијата. Минатото лето топлотен бран опасен по живот ја зафати Европа, оптоварувајќи ги транспортните мрежи и внесувајќи нестабилност кај цените на енергијата и на суровините.
„Се предвидува дека температурите ќе бидат невообичаено високи во следните шест до десет дена“, се наведува во белешката на „Максар“ (Maxar Technologies). „Ова особено важи за југозападна Скандинавија и Британските Острови“.
Норвешката престолнина Осло би можела да забележи температури од 30 Целзиусови степени овој четврток и петок, што е околу шест степени над нормалното ниво, наведува „Максар“. Амстердам и Париз за време на викендот ќе бидат потопли од вообичаено, додека во Рим времето ќе биде поблаго.
Германското соларно производство се предвидува да достигне врв од 39.076 мегавати во вторник, пред да падне в среда, според податоците собрани од „Блумберг“. Тоа е блиску до рекордот од 40.919 мегавати поставен на 28 мај, покажуваат податоците на Европската берза за енергија.
Во Обединетото Кралство, сончевата топлина ќе остане главен извор на енергија за време на жешките периоди, при што производството ќе достигне 9.374 мегавати до 13 часот в среда, според податоците собрани од „Блумберг“.
Подолу е презентацијата на временската прогноза за Северозападна Европа за следните две недели:
Bloomberg
