.webp){kind=icon}
За прв пат по повеќе од 60 години, холивудските сценаристи и актери започнаа да штрајкуваат во исто време. Здружението на сценаристи на Америка штрајкува од 2 мај, кога пропаднаа преговорите со холивудските студија. Здружението на актерите им се придружи во штрајкот на 13 јули по неуспешните преговори со Алијансата на филмски и телевизиски продуценти, која ги претставува големите холивудски студија како „Нетфликс“(Netflix Inc) и „Валт Дизни“ (Walt Disney)
Зеднички штрајк на писателите и актерите во исто време одржуваа во во 1960 година кога бараа да имаат заработка од филмовите што се емитуваа на телевизија.
Прочитај повеќе
Холивудските сценаристи на штрајк, многу серии може да бидат одложени
Сценаристите на некои од најпопуларните серии и емисии од Холивуд од вторник нема да бидат на своите работни позиции.
02.05.2023
Почувствувајте го духот на минатото преку филм
Кога дигитализацијата ќе разбуди добри стари незаборавни филмови од минатиот век.
21.04.2023
Волкот од НФТ стрит
Филмот „Волкот од Волстрит“ со Леонардо ди Каприо во главната улога доби култен статус на интернет-форумите.
06.06.2023
Bloomberg
Актерите и сценаристите бараат зголемување на основната плата, како и поголем дел од заработката од сериите и филмовите прикажани на стриминг сервисите. И двата синдикати бараат заштита од студијата кои користат вештачка интелигенција за да не ги заменат нивните работни места. Сценаристите велат дека нивната плата е намалена во текот на изминатата деценија, барањата се зголемување на основната плата пет отсто и дополнителен надомест за хит емисиите на платформите за стриминг. Како што велат, студијата ја одбиле во преговорите. Дополнителните барања од актерите вклучуваат компензација за самоснимени аудиции. Штрајковите ќе ја запрат американската филмска и ТВ продукција, со исклучок на реалити програмите без сценарио. Здружението на сценаристи проценува дека нивниот прекин на работните задачи претставува 30 милиони долари изгубен приход дневно. Последниот штрајк на сценаристите во 2007 година, кој траеше 100 дена, ја чинеше калифорниската економија околу 2,1 милијарди долари. Освен запирање на продукцијата, штрајковите ќе влијаат на филмскиот и ТВ маркетингот, бидејќи актерите нема да промовираат ниту еден проект преку филмски премиери, наградни шоуа и други настани. Засега актерите кои работат на реални програми или телевизиски натпревари сè уште работат, но не се искучува можноста и тие да се приклучат на штрајкот.
Во меѓувреме агенциите за талентии почнаа со отпуштања и намалувања на платите за да ги надоместат тековните трошоци. Некои студија ги запреа или ги намалија плаќањата на продуцентите. Некои стриминг гиганти, како што е „Нетфликс“(Netflix Inc) , ќе имаат програма до есен со оглед на раното снимање и датумите на објавување на програмите. Наесен, „Фокс“ (Fox) ќе објавува само реални и анимирани емисии кои веќе биле снимени пред да започнат штрајковите. Вечерните комични емисии како „The Tonight Show“ се првите жртви на штрајкот на сценаристите, па студијата се одлучија да емитуваат репризи. Студиата, вклучително и „Валт Дизни“ (Walt Disney), веќе почнаа да ги објавуваат датумите за прикажување на недовршените филмови.
Штрајковите го означуваат крајот на бумот на стриминг, кој започна во 2013 година со објавувањето на првата оригинална серија на „Нетфликс“(Netflix Inc) „House of Cards“. Стриминг услугите ја завршуваат деценијата со рекордни бројки. Големите компании за забава ги намалија вработените во изминатите 18 месеци и ја повлекоа содржината од нивните стриминг услуги за да ги намалат трошоците.
Bloomberg
За актерите, постои загриженост дека студијата би можеле да користат вештачка интелигенција за да ги реплицираат нивните претходни изведби. Здружението на режисери на Америка, кое се согласи на нов договор со студијата во јуни, ги услови компаниите да се согласат дека нема да бидат заменети со вештачка интелигенција.
