text size
Европските власти истражуваат дали популарните лекови за слабеење и дијабетес, вклучително и „вегови“(Wegovy) на „Ново Нордиск“ (Novo Nordisk A/S),, може да се поврзани со компликации за време на анестезијата.
Комитетот за безбедност на Европската агенција за лекови, „ПРАЦ“ (PRAC), разговара за потенцијалното безбедносно прашање за време на состанокот оваа недела. Истрагата доаѓа откако Американското здружение на анестезиолози издаде упатство во јуни да сугерира пациентите да прескокнат доза од лековите пред операцијата.
Бидејќи лековите го одложуваат празнењето на желудникот, постои ризик да остане дел од храната дури и ако пациентите постат пред операцијата, зголемувајќи го ризикот содржината на желудникот да дојде до хранопроводникот и да се излее во белите дробови, соопшти здружението на анестезиолози на САД.
Bloomberg
Оваа содржина во желудникот „може да биде катастрофална“ за некои пациенти, рече Дејвид Џонсон, шеф на гастроентерологија на медицинскиот факултет во Источна Вирџинија, во интервју минатиот месец. Течноста од желудникот што влегува во белите дробови може да ги стави пациентите на ризик од развој на пневмонија. „Тоа може да биде подмолно во некои случаи.
Дијабетесот исто така може да игра улога во одложеното празнење на желудникот или гастро пареза. Потребни се повеќе студии кај пациенти со дебелина за да се утврди каква улога, доколку ги има, играат лековите во овие несакани ефекти, рече Џонсон.
Анализата на „ПРАЦ“ опфаќа широка група на лекови слични на „вегови“, генерички познати како семаглутид, вклучително и блокбастерскиот лек за дијабетес „оземпик“ (Ozempic) на „Ново“ и лекот за дијабетес „мунџаро“ (Mounjaro) на Ели Лили“ (Eli Lilly & Co).
Досегашните достапни докази за употребата на таквите лекови околу времето на операцијата се „ретки“, а безбедносните податоци од постмаркетиншкиот надзор и клиничките испитувања не покажаа дека семаглутидот предизвикува аспирација во белите дробови, се вели во соопштението на „Ново“. Одлуката за користење на лековите треба да биде на дискреција на лекарот што лекува, велат од компанијата.
.webp){kind=icon}
