.webp){kind=icon}
Потрошувачите планираат да потрошат просечно 567 долари за време на купувањето на Црн петок и сајбер понеделник, што е за 13 отсто повеќе од минатата година, бидејќи ги бараат најдобрите понуди додека се соочуваат со економски притисоци како што се повисоките цени и зголемените каматни стапки.
Резултатот за годишното истражување на „Дилоит“ е нов рекорд за Црн петок и сајбер понеделник. Околу 84 отсто од купувачите се чувствуваат доволно сигурни да се држат до буџетот што го одредиле во септември. За да останат во границите на трошењето, многу потрошувачи планираат поголемиот дел од купувањето да го направат за време на црниот петок и сајбер понеделник. Четири од 10 очекуваат да завршат со купување во овој период.
Потрошувачите уживаат во празниците и „управуваат со нивните буџети за да создадат простор за „сезонски моменти“, рече Стивен Роџерс, директор на Центарот за потрошувачка индустрија на „Дилоит“.
Дел од попустите веќе почнаа, при што околу 41 отсто од испитаниците изјавија дека купиле празнични подароци за време на промотивни настани во октомври. Оние кои купувале во октомври веројатно ќе потрошат 25 отсто помалку од другите за време на црниот петок и сајбер понеделник.
„Делоит“ анкетираше 1.200 потрошувачи во периодот од 19 до 25 октомври.
Купувачите можат да претставуваат предизвик за трговците на мало. „Таргет Корп“ (Target Corp.) објави пад на споредливите продажби во третиот квартал поттикнат од пониските дискрециски трошоци. И продажбата во „Мејсис“ (Macy’s Inc.) исто така опадна во последно време бидејќи некои потрошувачи ги пренасочија своите трошоци кон искуства, а не кон добра.
Според Националната трговска федерација околу 182 милиони луѓе планираат да купуваат помеѓу Денот на благодарноста и сајбер понеделник, најмногу од 2017 година. Сепак, Федерацијата очекува растот на продажбата на празниците во САД да забави поради економските проблеми.
