text size
На претставниците на „Ситигруп“ (Citigroup Inc.) им било посочено да бидат дисциплинирани кога конзумираат алкохол на настани со клиентите, откако банката добила поплаки за непримерно однесување, според луѓе запознаени со ова прашање.
Во повици кон крајот на неделава, банкарите на сите нивоа - од аналитичари до управни директори - биле потсетени да ја имаат на ум репутацијата на фирмата кога пијат, велат изворите, кои побарале да останат анонимни бидејќи станува збор за доверливи информации. Високите функционери кои ги воделе повиците не наложиле целосно ограничување на пиењето алкохол, истакнувајќи дека пиењето во деловни услови има широка културна прифатеност, наведуваат изворите.
Bloomberg Mercury
Претставник на „Ситигруп“ со седиште во Њујорк одби да коментира.
Строгите зборови до инвестициските банкари на „Ситигруп“ доаѓаат додека главниот извршен директор Џејн Фрејзер работи на подигнување на стандардите низ гигантот од Волстрит по години на недоволни резултати во однос на конкурентите. Раководството на „Ситигруп“ укинува 20.000 работни позиции, но досега го остави инвестициското банкарство помалку погодено од другите сектори.
Банката минатиот месец објави дека приходите од инвестициско банкарство се зголемиле за 27 отсто во четвртиот квартал од претходната година. Сепак, одделот имаше загуба од 322 милиони долари, главно како резултат на трошоците кои се зголемија за 37 отсто.
.webp){kind=icon}
