text size
Миодраг Костиќ беше посебен човек, со јасна визија, кој во нашиот регион остави силен деловен печат што трајно ќе остане присутен. Секогаш со радост ќе се сеќавам на многу интересниот заеднички настап на тркалезната маса во Белград, во една од старите згради каде што денес се наоѓа „Белград на вода“. Нека почива во мир, а на семејството му изразувам искрено сочувство, изјави Блаж Бродњак, претседател на управата на НЛБ.
Костиќ и Бродњак летоска се натпреваруваа за „Адико банка“ (Addiko Bank). Ниту словенечката НЛБ ниту компанијата „Агри Јуроп“ (Agri Europe Cyprus / AEC) на Миодраг Костиќ не успеаја да ја преземат австриската банка.
Да потсетиме, компанијата на Костиќ за акциите на „Адико“ понуди нешто повеќе од 16 евра (без дивиденди), речиси шест евра помалку од НЛБ. Целта им беше 17 проценти од акциите, но на крајот нивната понуда ја прифатија акционери со удел од само 0,07 проценти од акциите. Понуда за преземање на „Адико“ даде и НЛБ, која успеа да привлече акционери со вкупно 36 проценти од акциите, но понудата не беше успешна бидејќи за праг на успешност беа поставени 75 проценти од акциите.
Прочитај повеќе
Почина српскиот бизнисмен Миодраг Костиќ
Костиќ почина денеска по долго боледување.
13.11.2024
Пред неколку дена Костиќ пренесе милион акции на „Адико“ од „Агри Јуроп“ на „Горењска банка“, која е во сопственост на српскиот бизнисмен. Тоа претставува 5,19 проценти од сопственичкиот капитал, соопшти Љубљанската берза.
„Агри Јуроп“ го пренесе својот удел во „Адико“ на нивото на своите подружници, односно на „Горењска“ и „АИК банка“ (AIK), што значи дека уделот всушност е прераспределен внатре во банкарската група.
Преземање на „Горењска банка“
Едно од клучните достигнувања на Костиќ беше првата експанзија на српска банка на пазарот на ЕУ, наведуваат од неговата „МК груп“ (MK Group). Откако во 2015 година стекна мнозински удел во АИК и во 2017 година ја презеде „Алфа банк“ (Alpha Bank) во Србија, Миодраг Костиќ повторно ја придоби довербата на клиентите во домашна српска банка, а во 2019 година стана сопственик на „Горењска банка“ во Словенија. Со понатамошната експанзија во банкарскиот сектор и дополнителните инвестиции во развојот на банкарската група, денес вкупниот биланс на групата надминува 10 милијарди евра, се наведува во соопштението.
.webp){kind=icon}
