Нуриел Рубини предупреди дека САД и Кина се движат по патот на конфронтација по самитот на Г-7 во Јапонија. Претседателот на „Рубини Макро Асосијетс“ (Roubini Macro Associates), кој има историја на предвидување пропаст, рече дека „студената војна меѓу САД и Кина ќе стане уште постудена“.
Говорејќи во интервју за телевизијата „Блумберг“ денеска на маргините на Катарскиот економски форум во Доха, тој предупреди дека ќор-сокакот на крајот може да ги бранува пазарите и да предизвика забавување на економскиот раст и зголемување на цените на суровините.
Лидерите на Г-7 го искористија самитот овој месец во Хирошима, Јапонија за да разговараат за тоа како колективно да се справат со Кина. Тие се согласија да се стремат кон „конструктивни и стабилни“ односи иако продолжуваат со чекори за намалување на зависноста од Пекинг кога се во прашање критичните синџири на снабдување.
Прочитај повеќе
Рубини стравува дека упорната инфлација ќе донесе тешко приземјување
Централните банки ќе мора да ги зголемат каматните стапки многу повеќе отколку што првично се очекуваше
07.03.2023
Бајден: Односите меѓу САД и Кина ќе се подобрат „многу брзо“
Белата куќа започна да се занимава со Кина на повеќе фронтови
21.05.2023
Инфлацијата во Кина во април падна на само 0,1 отсто
Индексот на потрошувачките цени минатиот месец се зголеми за 0,1 отсто во однос на ланскиот април.
11.05.2023
„Нема да има затоплување меѓу САД и Кина“, рече Рубини. „Кинеската реакција на овој самит на Г-7 е дека Европа, САД и Јапонија и другите се здружуваат против Кина“, додаде тој.
Рубини ја издвои заканата од „геополитичка депресија“ меѓу најголемите ризици со кои се соочуваат пазарите, укажувајќи на последиците од руската инвазија на Украина и можноста за ескалација меѓу Иран и Израел.
На прашањето за преговорите за зголемување на плафонот на американскиот долг, Рубини рече дека неуспехот да се постигне договор може да има катастрофален ефект.
„Можеби ќе стигнат до последниот час пред да има договор, или е можно да не постигнат договор“, рече тој. „Ако тоа не се случи, тогаш пазарот ќе падне“, вели Рубини.
Владата на Катар е домаќин на економскиот форум, кој е поддржан од „Блумберг“.
.webp){kind=icon}
