text size
Собранието на Република Србија ja изгласа новаta влада со која ќе раководи поранешниот министер за одбрана Милош Вучевиќ. Tој рече дека Владата што ќе ја предводи во голема мера ќе биде влада на континуитет и дека ќе продолжи да води надворешна политика заснована на политичка и воена неутралност, а стратешка цел ќе остане полноправното членство во Европската Унија.
За новата влада гласаа 152 од 213 присутни пратеници, а против беа 61 пратеник. Воздржани немаше, а отсутни беа 37 пратеници. Новата Влада на Србија ќе брои 31 член.
Владата има четворица вицепремиери. Прв вицепремиер и министер за финансии ќе биде Синиша Мали, а вицепремиер и министер за внатрешни работи Ивица Дачиќ. Вицепремиерка е Ирена Вујовиќ, а четвртиот вицепремиер е Александар Вулин. Министер за надворешни работи ќе биде поранешниот амбасадор на Србија во САД, Марко Ѓуриќ.
„Полноправното членство во Европската унија останува стратешка цел на Србија, а Владата ќе продолжи да ги исполнува преостанатите критериуми преку нашиот реформски процес“, рече Вучевиќ пред парламентот при претставувањето на неговиот кабинет и програма.
Вучевиќ јасно стави до знаење дека неговиот кабинет нема да ги усвои санкциите на САД и ЕУ против Русија поради нејзината инвазија на Украина и ќе продолжи да се противи на целосното меѓународно признавање на Косово.
Целиот состав на Владата е во извештајот на колегите Бојана Лазаревиќ и Бранислав Урошевиќ од српското уредништво овде.
.webp){kind=icon}
