Словачкиот премиер Роберт Фицо бил итно префрлен во локална болница откако беше застрелан во, како што го опшиша државното Министерство за внатрешни работи, обид за атентат.
Фицо бил нападнат откако свикал владин состанок во градот Хандлова. Степенот на неговите повреди не може веднаш да се потврди јасно, рече портпаролот на министерството Матеј Нојман.
Фицо се движел во толпа луѓе кога пукале во него во Хандлова, североисточно од главниот град Братислава, објави весникот „Денник Н“. Очевидци слушнале четири истрели додека Фицо паднал на земја, по што бил подигнат од обезбедувањето, сместен во автомобил и однесен, пишува весникот.
Претседателката во заминување Зузана Чапутова го осуди она што го опиша како „брутален и непромислен напад“ врз премиерот во објава на Фејсбук.
„Шокирана сум. Во овој критичен момент му посакувам на Роберт Фицо да се опорави од нападот брзо“, напиша таа.
Словачкиот парламент ја прекина седницата.
.webp){kind=icon}
