.webp){kind=icon}
Собранието со 77 гласа „за“ и 22 гласа „против“ ја избра новата Влада чиј претседател е Христијан Мицкоски. Владината коалиција ја сочинуваат ВМРО-ДПМНЕ, партиите од коалицијата Вреди и ЗНАМ. Против Владата гласаа пратениците од СДСМ и Левица, а Европскиот фронт ја напушти седницата кратко пред нејзиното завршување. Христијан Мицкоски е 13-ти премиер, а ова е 20-та влада од осамостојувањето на земјата.
По изборниот резултат на 8 мај, првиот човек на ВМРО-ДПМНЕ ги избра коалицијата ВЛЕН и Движењето ЗНАМ за владини партнери.
Новата влада ќе има четири министерства повеќе од сегашната, ќе има пет вицепремиери, од кои еден прв вицепремиер. ВМРО-ДПМНЕ ќе води со 15 ресори, шест министерства се на ВЛЕН и две на ЗНАМ.
МИА
Министрите на ВМРО-ДПМНЕ:
Министрите на коалицијата „Влен“
Министрите на „Знам“
.
Мицкоски и членовите на Владата во Собранието дадоа свечена изјава.
„Функцијата претседател на Владата ќе ја вршам совесно и одговорно и ќе го почитувам Уставот и законите на Република Северна Македонија“, изјави Мицкоски.
МИА
На оваа седница свечена изјава даде и потпретседателот на Собранието Антонио Милошоски кој претходно кога беше заклетвата на потпретседателите беше отсустен поради здраствени причини.
Претседателот на Собранието Африм Гаши информираше дека до Државната изборна комисија ќе биде испратено известување колкумина пратеници станале дел од Влада за на нивно место да бидат делегирани други од соодветните листи за пратеници.
