Харис и Трамп водат „мртва трка“ во Мичиген и Висконсин

Заменик-претседателката Камала Харис и поранешниот претседател Доналд Трамп во суштина се изедначени во сојузните држави Мичиген и Висконсин, според анкетите на „Њујорк Тајмс“ и колеџот „Сиена“ објавени денеска.

Во Мичиген, 48 проценти од граѓаните кои веројатно би гласале ја поддржаа Харис за претседател, во споредба со 47 проценти за Трамп. Во Висконсин, демократскиот кандидат води со 49 проценти наспроти 47 проценти на Трамп. Претходните анкети од почетокот на август покажаа дека Харис има поголема предност. Маргината на грешка е околу плус или минус четири процентни поени за секоја анкета, што сугерира дека е премногу блиску за да се одреди победник.

Во анкетите, Трамп покажа сила за економските прашања. Економијата беше посочена како најважно прашање за гласачите, а потоа репродуктивните права.

Анкетите беа спроведени телефонски од 21 до 26 септември меѓу 688 веројатни гласачи во Мичиген и 680 во Висконсин.

Анкетата, исто така, покажа дека Харис води со 52 проценти наспроти 43 проценти на Трамп меѓу 680 гласачи во Вториот конгресен округ во Небраска, чијшто единствен изборен глас може да се покаже како одлучувачки.

Во моментов нема коментари за веста. Биди прв да коментира...

Остави коментар