.webp){kind=icon}
Берзанските индекси во Соединетите Американски Држави (САД) го завршија вчерашниот ден со добивка, откако во текот на целата сесија тргувањето беше неизвесно и со повеќе промени. Оптимизмот дојде како последица на објавените економски податоци дека буџетскиот дефицит е намален веќе втор месец по ред и изјавата на официјалните лица на американските Федерални резерви (ФЕД).
Индексот „Dow Jones Industrial Average“ порасна за 2,47 проценти, додека индексот „S&P 500“ доби 2,38 проценти на својата вредност. Ниту технолошкиот индекс „Nasdaq 100“ не заостанува во растот, па тргувањето го заврши со плус од 2,39 отсто на својата вредност.
Претседателката на филијалата на ФЕД од Сан Франциско, Мери Дели, рече дека централните банкари би требало да почнат да размислуваат за намалување на темпото на покачување на каматните стапки.
„Ова би требало да биде барем нешто што го разгледуваме како опција, иако податоците не одат баш во прилог на тоа“, рече Дели и додаде дека луѓето не би требало да мислат дека покачувањето секогаш ќе биде за 75 базични бодови.
Нејзиниот колега од Сент Луис, Џејмс Булард, стабилниот пазар на работна сила го гледа како предизвик за ФЕД, што изнудува одлучност во борбата против инфлацијата.
„Оваа недела на берзанско тргување е обележана со несигурност, како за каматните стапки, така и за обврзниците“, рече Кејт Лернер од компанијата „Advisory Services“.
