Од 01.06.2023 година ќе започнат да се применуваат новите правилата за членство на Македонска берза АД Скопје одобрени од Комисијата за хартии од вредност на 11 мај годинава. Од берзата информираа дека новите правила се воведуваат заради модернизирање односно усогласување со законските и подзаконските акти коишто се донесени или изменети во меѓувреме.
„Позначајните измени во новите правила се однесуваат токму на усогласувањето со законските и подзаконските акти, со истовремено воведување на одредени новини во насока на помали модификации на условите и потребната документација за прием во членство во берзата, правата и обврските на членките и соодветна имплемантација на одредби од областа на заштита на лични податоци“, соопшти берзата.
Како поголема новина за истакнување е делот од правилата за членство во врска со едукацијата на брокерите, односно подеталното уредување на проблематиката на организирање на обуки и едукативни настани од страна на берзата заради одржување на знаењата и вештините на брокерите за тргување со хартии од вредност преку БЕСТ системот, како и обуки и едукативни настани во врска за актуелни прашања од областа на хартиите од вредност во функција на континуирана едукација на овластените пазарни учесници.
Прочитај повеќе
Македонската берза ја зголемува сопственоста во ЦДХВ
Со трансакцијата берзата ќе има квалификувано учество од 29,82 проценти од вкупно издадените акции со право на глас на депозитарот
25.05.2023
Балканска берза решение за слабата ликвидност на Македонската?
Љубљанската и Загрепската берза веќе работат како дел од истата групација, а Загрепската берза е најголем акционер на Македонската берза.
03.05.2023
Анемија на берзата - дивидендите не можат со високите камати
Инвестирањето во акции е ставено во неповолна состојба затоа што штедењето не се оданочува.
09.03.2023
.webp){kind=icon}