.webp){kind=icon}
Инвеститорите активисти ќе спроведат помалку еколошки и социјални кампањи годинава, откако оваа стратегија за вложување се покажа помалку профитабилна за акционерите, тврдат од консултантската бизнис-фирма „Алварез и Маршал“ (Alvarez & Marsal Inc.).
Анализата на компанијата покажа дека активистичките кампањи фокусирани на оперативни или стратегиски промени го надминале резултатот на целиот пазар во просек за 9,4 отсто во последните шест години. Спротивно на тоа, кампањите фокусирани на еколошки и социјални прашања забележаа најслаби релативни приноси, надминувајќи го пазарот за само 0,2 отсто во просек за истиот период, според извештајот објавен во вторникот.
„Како што инвеститорите поцврсто се фокусираат на приносите во 2024 година на предизвикувачки пазар, очекуваме да видиме пад на кампањите поврзани со ЕСГ (ESG) и обновен фокус на метрика како што се растот на маржата, генерирањето готовина и повратот на капиталот“, рече Андре Медеирос, експерт и извршен директор на A&M.
Анализата на A&M се заснова на 550 јавни кампањи на акционерски активисти започнати од почетокот на 2016 година до 31 октомври 2021 година, против компании со седиште во Европа и во САД. Фирмата потоа го разгледа вкупниот принос на акционерите за секоја компанија во следните две години по започнувањето на кампањата и го спореди тој принос со европскиот индекс Stoxx 600 или со индексот S&P 500, во зависност од тоа каде се наоѓа компанијата.
