Цените на европските акции во воведниот дел од тргувањето благо пораснаа, бидејќи трговците се подготвуваат за недела полна со важни деловни и економски податоци, а инвеститорите ги следат знаците на напредок во трговските преговори.
Дивите движења на пазарите, кои на 2 април ги поттикна најавата за царини од претседателот Доналд Трамп, донекаде се смирија, но инвеститорите неделава во клучните деловни извештаи внимателно ќе го анализираат ефектот на американската трговска политика врз заработката на компаниите. Новите показатели за состојбата на американската економија би можеле да ги поддржат очекувањата за порано намалување на каматните стапки од американската централна банка Фед, известува „Блумберг“ (Bloomberg).
„Изгледа дека полека се приближуваме до точка каде што овие политики почнуваат да имаат повеќе смисла“, изјави за телевизијата „Блумберг“ Темистоклис Фиотакис, глобален директор за стратегија на девизниот пазар во „Барклис“ (Barclays). „Ако ситуацијата се развие така што пазарите можат да ги разберат и квантифицираат промените, верувам дека работите ќе се нормализираат“.
Европските пазари во зелено
Европскиот индекс Stoxx 600 во моментот на пишувањето на овој текст беше за 0,71 проценти во плус, за што, според податоците на „Блумберг“, придонесоа вестите за спојувања и преземања од Италија, откако „Медиобанка“ (Mediobanca) понуди 6,3 милијарди евра за одделот за управување со имот на италијанската осигурителна куќа АГ (Assicurazioni Generali). По четири последователни дена раст на американските акции, што е најдолг раст уште од јануари, терминските договори на индексот S&P 500 паднаа за 0,3 проценти.
Берзите во Азија го завршија тргувањето без генерална насока. Токискиот индекс Nikkei 225 порасна за 0,38 проценти, сеулскиот Kospi за 0,10 проценти, додека хонгконшкиот Hang Seng благо падна, губејќи 0,04 проценти.
Златото губи замав
Цената на златото во денешното тргување падна за нешто повеќе од еден процент, на околу 3,3 илјади долари по унца, и од средата, кога достигна највисока вредност над 3,5 илјади долари, изгуби повеќе од пет проценти.
GOLDS:COM
GOLD SPOT $/OZ
3.277,12 USD
-42,6 -1,28%
почетна цена
3.325,21
претходна цена на затворање
3.319,72
промена од почетокот на годината
25,12897694799%
дневен опсег
3.268,23 - 3.337,20
опсег на 52 недели
2.277,35 - 3.500,10
Четири од т.н. седум величествени технолошки компании, „Мајкрософт“ (Microsoft), „Епл“ (Apple), „Мета“ (Meta Platforms) и „Амазон“ (Amazon) неделава ќе ги објават резултатите од работењето. Аналитичарите очекуваат дека групата, во која се и „Алфабет“ (Alphabet), матичната компанија на „Гугл“, „Тесла“ (Tesla) и „Енвидија“ (Nvidia), во 2025 година ќе оствари просечен раст на добивката од 15 проценти, пишува „Блумберг“.
Во исчекување на американските податоци
Податоците за новите работни места во САД, кои ќе бидат објавени на крајот од неделата, би можеле, според зборовите на Махџабин Заман, раководителка на девизни истражувања во АНЗ (ANZ Group Holdings), да ги стават „општите макроекономски фактори“, како здравјето на американската економија, на врвот на приоритетите на инвеститорите, пренесува „Блумберг“.
.webp){kind=icon}
Во моментов нема коментари за веста. Биди прв да коментира...