text size
Вредноста на акциите на американските берзи пораснаа вчера, четврти ден по ред. Крајот од тргувањето индексот „Dow Jones“ го дочека на ниво од 32.381,34 бодови, што претставува раст од 0,7 проценти во споредба со петокот, а на недлено ниво растот е 4 отсто. Индексот „S&P 500“ порасна за 1,1 отсто, а технолошкиот индекс „Nasdaq“ забележа раст од 1,3 проценти и сега е на ниво од 12.266,41 бод.
Меѓу позначајните економски сектори, најдобар ден за тргување имаа енергетските и технолошките акции. Енергетските компании беа водени од растот на цената на суровата нафта на светските берзи. Барел „WTI“ нафта вчера во еден момент се тргуваше и за повеќе од 88 долари, додека цената на крајот од минатата недела се движеше околу нивото од 86 долари, додека во текот на неделата се спушти и под 82 долари за барел.
Bloomberg Chartmaker
Главен двигател на технолошкиот сектор беа акциите на „Apple“, чија цена вчера порасна за речиси 4 проценти. „Apple“ пред неколку дена ја објави најновата верзија од својот популарен производ „iPhone“. Може да се каже дека еден вид исклучок беа акциите на „Twitter“, чија вредност падна за 1,8 проценти, а на тоа и натаму влијаат правните пресметки во кои се најде таа социјална мрежа откако милијардерот Илон Маск објави дека се повлекува од најавеното преземање.
Главна економска вест неделава треба да биде објавата на податоците за движењето на инфлацијата на американскиот пазар, која што се очекува да биде објавена денеска. Попуштањето на инфлацијата може да ја разбуди надежта дека Федералните резерви (ФЕД) сепак ќе ја олабават монетарната политика и ќе ги спуштат каматните стапки за да ја поттикнат економијата.
Спротивни вести би значеле дека ФЕД ќе продолжи со рестриктивната политика и високите каматни стапки. Состанокот на банкарите од ФЕД, на кој што треба да се разговара токму за монетарната политика, е најавен за следната седмица. Во овој момент се очекува дека каматните стапки ќе пораснат за уште 75 базни поени и тоа трет пат по ред. Но, податокот за инфлацијата е клучен за идната одлука на ФЕД и за насоката на движење на референтната каматна стапка.
.webp){kind=icon}
