text size
Банкротираната берза за дигитални средства FTX на Сем Банкмен-Фрид беше погодена од мистериозен одлив на токени во вредност од околу 662 милиони долари во изминатите 24 часа, што е најнов пресврт во еден од најтемните периоди за крипто индустријата.
Корисниците кои сè уште се опоравуваат од барањето за стечајна постапка според Поглавје 11, се соочија со она што Рајн Милер, генерален советник на американскиот огранок, го опиша како „абнормалности во движењето “.
Милер на Твитер рече дека FTX го забрзува процесот на преместување на дигиталните средства во офлајн складиште (не е поврзано на Интернет) за да ја ублажи штетата од справувањето со неовластени трансакции.
Компанијата Нансен проценува аде проценка дека овие 662 милиони долари во токени течеле и од меѓународните и од американските FTX берзи.
Паоло Ардоино, главен офицер за технологија во Тетер, го привлече вниманието со твитот во кој сугерира дека повеќе од 30 милиони долари (во токени) се на црната листа. „Не е јасно кој точно ги прави трансакциите, но не би очекувале да ги видите овие трансакции во овој момент“, рече Алекс Сваневик, извршен директор на Нансен.
Најновите случувања претставуваат уште еден удар за крипто секторот, кој се соочува со падови во текот на изминатата година, а сега и со колапс на берзата на FTX и сестринската трговска куќа Alameda Research.
Ако одливите претставуваат злоупотреба на безбедносниот систем, тие би додале на она што се очекува да биде рекордна година за напади врз индустријата за дигитални валути.
Според Нансен, за време на инцидентот, сите средства во FTT биле испразнети во главниот паричник што му припаѓал на FTH. FTT, за потсетување, е оригиналната монета на банкротираната берза. Нансен рече дека вкупните одливи од FTX на крајот престанаа.
Американската комисија за хартии од вредност истражува колку биле испреплетени зделките и дали FTX лошо управувал со средствата на клиентите. Твитер беше преполн со протести од очигледно оштетените клиенти. Тие наведоа предупредување од разговор во Телеграм дека FTX е компромитиран и дека некои сметки на клиенти се исцрпени. Тврдењата не можеа веднаш да се потврдат.
.webp){kind=icon}
