„Амбициите на Сингапур да стане центар на дигиталните средства можеби нема да успеат поради нивниот скептичен пристап кон криптовалутите“, рече Виталик Батерин, коосновач на плaтформата „Етериум блокчејн“.
„Подготвеноста на градот-држава да направи разлика меѓу употребата на блокчејни и криптовалути е една од тие чудни работи. Реалноста е таква што ако немате криптовалути, синџирите блокови што ќе ги имате едноставно се лажни и никому нема да му е гајле за нив“, рече тој во интервју за „Стрејтс тајмс“ (The Straits Times).
Сингапур настојува да го ограничи пристапот на малопродажните играчи во криптотрговијата за да може да ги намали ризиците за потрошувачите од нестабилноста на пазарот. Минатиот месец претставија предлог за ограничување на активностите на потрошувачите во дигиталните имоти, вклучувајќи и забрана за малите инвеститори да се задолжуваат за финансирање на купувањето дигитални валути.
Таквите потези предизвикаа загриженост кај другите, вклучувајќи и кај главниот извршен директор на „Коинбејз глобал“, Брајан Армстронг, кој претходно во текот на овој месец рече дека ограничувањата на малопродажбата на криптотрговијата, предложена од страна на Сингапур, се неспоиви со нивната желба да станат центар за т.н. „веб3“ (web3) индустрија.
.webp){kind=icon}
