text size
„Блокфај“ (BlockFi Inc.) доби уште неколку недели да го финализира планот за излегување од банкрот во рамки на американското регулаторно Поглавје 11, борејќи се со незадоволните клиенти кои сметаат дека треба да бидат исплатени побрзо.
Заемодавецот на криптовалути разгледува потенцијална продажба на средства на компанијата или можност да добие надворешен покровител кој ќе го поддржи договорот за реструктуирање, рече адвокатот на „Блокфај“, Џошуа Сасберг на сослушувањето во средата. Компанијата има намера да поднесе план за излез од стечајот до 15 мај, рече тој.
Комитетот на клиенти на „Блокфај“ тврди дека треба да им се дозволи да ја преземат контролата врз стечајот, така што криптовалутите што се чуваат на платформата може веднаш да им се вратат на доверителите. Адвокатот на тој комитет, Роберт Старк, му рече на судијата Мајкл Каплан дека доверителите на „Блокфај“ не се софистицирани заемодавци, туку индивидуални клиенти на мало, од кои многумина ги загубиле своите животи заштеди.
Старк изјави дека „Блокфај“ нема одржлив бизнис за реорганизација и најверојатно ќе ја продаде својата платформа.
Судијата Каплан го одби барањето на комитетот да го преземе случајот на „Блокфај“, велејќи дека компанијата бара скромно продолжување на периодот на своја ексклузивна контрола.
„Блокфај“ се движи што е можно побрзо и работи на враќање на парите на клиентите, „но ние ќе го направиме тоа смислено, а не хаотично“, рече Сасберг.
.webp){kind=icon}
