Најжешката вест од спортот ова лето има интересна крипто врска. Станува збор за Лионел Меси, кој нашироко се смета за најдобриот фудбалер во светот и пристигна во САД каде веднаш почна да реди голови за својот нов тим, Интер Мајами во МЛС (Major League Soccer).
Секогаш кога Меси ќе излезе на теренот во домашниот дрес на тимот со фламинго розова боја (или црниот дрес за на гостински терен што допрва треба да го носи на натпревар), гледачите ќе имаат можност да добијат ретроспектива на славните денови на бумот на дигитални средства: спонзорство од криптосферата е испишано преку градите на Меси.
Сега знам што ќе си помислите: Најплатеното криптоспонзорство поврзано со спортот во Мајами беше кошаркарската сала порано позната како ФТX Арена (FTX Arena). И сите знаеме што испадна од тоа на крајот. Но што да мислиме за ова спонзорство испишано на фудбалските дресови кое се однесува на компанијата за ризичен капитал XБTO (XBTO)? Има работи што се општо познати: ХБТО во голема мера „лета под радарот“ и како секоја компанија сака да го промени тоа, односно да ги етаблира своето име и бизнис во пошироката јавност. А има ли подобро место за тоа од Мајами, град што е пријателски настроен кон криптото?
„Порано ја држевме главата наведната и си го теравме бизнисот, бевме некако зад сцената, кодиравме алгоритми, ја подобрувавме ликвидноста при размена во различни валути и само правевме инвестиции“, објаснува основачот на XБTO, Филипе Бехази на неодамнешниот поткаст на магазинот „Биткоин“ (Bitcoin Magazine). Во поткастот тој ја раскажа приказната дека е голем фудбалски фан, кој влегол во криптобизнисот кодирајќи алгоритми за тргување со валути во САК (SAC Capital). „Мислам дека сега дојдовме до размери каде што треба да бидеме погласни, треба да бидеме во јавноста, треба да му покажеме на светот дека постоиме“.
Па, мисијата е успешна! Барем во фудбалскиот свет, каде што дресовите со „Меси“ на грбот и XBTO со поголем фонт однапред, наводно се распродадени дури до есен. А за сите регулатори кои се прашуваат дали е време да го нападнат теренот на XБTO, еве нешто важно: компанијата вели дека не прави никаков бизнис со американски инвеститори.
Она што е неверојатно е колку се поголеми буквите за XБTO од другите логоа на дресот како за Епл ТВ (Apple TV), Адидас (Adidas), МЛС, па и логото на самиот клуб, кои сите соработуваа во јуначка серија за издвојување на средства, за да се спротивстават на буџетите од саудиската професионална лига и да го направат Меси човек од Флорида.
Се разбира, тајмингот е сè во тргувањето. XБТO го потпиша своето повеќегодишно партнерство со тимот во 2021 година, кога идејата Меси да дојде во Мајами беше само сон. „Спортс бизнис журнал“ (Sports Business Journal) тогаш објави дека тоа ја чини криптокомпанијата околу 4 до 5 милиони долари годишно - кикиритки кога станува збор за цифрите што се вртат со доаѓањето на Меси. Така, во однос на промоцијата што тој ја посакува, ова можеби е животна зделка за Бехази.
.webp){kind=icon}