text size
Су Жу, еден од основачите на крипто хеџ-фондот „Три ероус капитал“ (Three Arrows Capital), беше уапсен во Сингапур во петокот, на 29 септември. „Три ероус капитал“ (3AC), еден од најголемите хеџ-фондови во светот, управуваше со средства во вредност од десетици милијарди американски долари кога беше на својот врв. Жу беше уапсен откако компанијата беше испратена пред стечаен суд за ликвидација на нејзиниот имот, а тој одби да соработува со државните органи. Иако сè уште не се знае каде се наоѓа другиот коосновач Кајл Дејвис, по него е распишана потерница.
„Три ероус капитал“ беше една од најголемите компании погодени од колапсот на Тера-Луна и нејзиниот алгоритам за стабилни коини, поради големата изложеност на хеџ-фондот на проектот на Јужнокореецот До Квон, кој наводно имал блиски односи со Су Жу. Колапсот на компанијата директно влијаеше на пазарот на криптовалути, како и на акциите.
По банкротот на „Три ероус капитал“, Жу и неговиот партнер Кајл Дејвис лансираа нова берза наречена ОПНХ (OPNX), со цел да им помогне на инвеститорите со нивните барања при стечај на други криптокомпании што имаа тешкотии за време на мечкиниот пазар во 2022 година.
Финансискиот регулатор на Сингапур во септември годинава им забрани на двајцата основачи на „Три ероус капитал“ да работат во регулираната индустрија за финансиски услуги во земјата на девет години. Судот им забрани да вршат каква било регулирана дејност и да учествуваат во управувањето или мнозинската сопственост на која било компанија што дава услуги на пазарот на капитал.
Според истражувачите од „Акрам“ (Akrham), платформа за анализа на блокчејн-проекти што користи вештачка интелигенција, најголемите имоти со криптосредства според собраните познати адреси што му припаѓаат на Су Жу се наведени на 64.094 СТЕТ (STETH) токени, што е еквивалент на 107.200 американски долари. Вториот најголем удел е претставен во 13.238 ETH.
Портфолио на Су Жу / Arkham Intelligence
По апсењето, познатите адреси на Жу продолжуваат да добиваат трансакции од околу 50 американски долари во криптовалута етериум од познати паричници на „Френд тек“ (Friend Tech).
Исто така, гледајќи ја историјата на податоци за период од 1.607 дена, можно е да се види дека коосновачот на „Три ероус капитал“ направил 62 отсто од сите негови криптодепозити на берзата за криптовалути „Коинбејс“ (Coinbase) и 15 отсто на „Бајненс“ (Binance). Од друга страна, 80 проценти од неговите повлекувања доаѓаат од „Бајненс“ и 14 проценти од берзата OKX (OKX).
Информации од познатите адреси на Су Жу | Arkham Intelligence
.webp){kind=icon}
