text size
Мем-токените го постигнаа далеку најпрофитабилниот тренд во светот на криптовалутите во првиот квартал од 2024 година, според анализата на водечките трендови на пазарот на криптосредства објавена од „Коингеко“ (Coingecko), една од водечките независни платформи во светот за анализа на криптосекторот.
Според анализата на „Коингеко“, мем-токените забележале просечни приноси од 1.312,6 проценти, успешно предводени од најпопуларните токени во оваа категорија.
Меѓу десетте најбрзорастечки мем-токени по пазарна капитализација се издвојуваат три сосема нови проекти, кои беа лансирани во март. Тоа се криптовалутите брет (BRETT), бук оф мем (book of meme - BOME) и кет ин а догс ворлд (cat in a dogs world - MEW).
Брет имаше највисок принос од 7.727,6 проценти на крајот на првиот квартал од годинава, следен од догвифхет (dogwifhat - WIF), кој забележа пораст од 2.721,2 проценти во текот на првиот квартал.
CoinGecko
Наративот за мемкоини, како најрастечки тренд, беше за 4,6 пати попрофитабилен од второрангираниот криптонаратив средства од реалниот свет (real-world assets - RWA) и 33,3 пати попрофитабилен од наративот за криптовалути од втор слој (англ. Layer Two).
Вториот споменат крипторенд, средства од реалниот свет, се однесува на какви било средства: физички, дигитални или базирани на податоци што ја црпат својата вредност надвор од блокчејнот. Токенизацијата на РВА (RWA) создава дигитална копија што постои на блокчејнот. Трендот РВА постигна поврат од 285,6 проценти во првиот квартал од 2024 година и накратко беше најпрофитабилниот наратив на почетокот на февруари, сè додека не беше надминат од мем-токените и наративите за вештачка интелигенција.
Меѓу најголемите РВА-токени се издвојуваат мантра (mantra - OM), со пораст од 1074,4 проценти, и токенфaj (tokenfi - TOKEN), со пораст од 419,7 проценти во првиот квартал од тековната година.
Криптотрендот за вештачка интелигенција (ВИ) го зазеде третото место и се истакна како единствениот преостанат наратив што забележа троцифрен принос од 222 процента во наведениот период. Сите главни токени на ВИ објавија добивки, предводени од АИОЗ нетворк (AIOZ), со 480,2 проценти, и ефтек.еј-ај (fetch.ai - FET), со 378,3 проценти.
Наративот од првиот слој (англ. Layer One) беше нешто помалку профитабилен во првиот квартал од 2024 година, постигнувајќи принос од околу 70 проценти. Иако солана (solana - SOL) беше во центарот на вниманието како популарен синџир на мем-токени, постигнувајќи раст од 91,9 процент, најдобри резултати забележаа тонкоин (toncoin - TON) и биткоин кеш (bitcoin cash - BCH), со 131,2 и 130,5 проценти поврат, соодветно.
За споредба, биткоинот (BTC) порасна за 65,1 отсто откако достигна нови врвови, додека етереумот (ETH) порасна за 53,9 отсто и покрај негативните вести за фондовите со кои се тргува на берза.
XBTEUR:CUR
XBT-EUR Cross Rate
61.641,85 EUR
-1.096,4 -1,75%
почетна цена
62.738,25
претходна цена на затворање
62.738,25
промена од почетокот на годината
61,5316%
дневен опсег
61.299,80 - 63.429,59
опсег на 52 недели
22.778,92 - 67.431,45
.webp){kind=icon}
