Во светот на криптовалутите, брзината и приспособливоста на блокчејн-платформите стануваат сè поважни фактори за оценување на нивната ефикасност и потенцијален успех.
Во тој контекст, Солана (Solana) се истакна како еден од најбрзите блокчејнови меѓу големите играчи на пазарот.
Со својата неодамнешна рекордна брзина, Солана покажа импресивни перформанси, достигнувајќи просечни трансакции во секунда (TPS) од 1.504. Оваа бројка ја прави Солана 46 пати побрза од Етереум (Ethereum) и над пет пати побрза од Полигон (Poligon), кој има највисок TPS меѓу решенијата за скалирање Етереум.
Покрај тоа што е рангиран како најбрз блокчејн, Солана сепак постигна само 1,6 отсто од својата теоретска максимална брзина од 65.000 TPS. Овој факт сугерира дека Солана сè уште има огромен потенцијал да расте и да ја подобри својата брзина, што ја прави уште поатрактивна опција за различни апликации и проекти во криптозаедницата.
Извештајот објавен од „Коин геко“ (CoinGecko), една од водечките независни платформи во светот за фундаментална и техничка анализа на криптовалутите, дава детален увид во брзината на извршување на трансакциите (TPS) меѓу различни платформи за блокчејн. Според овие податоци, Солана се издвојува како водечка платформа со највисок дневен просек на трансакции во секунда од дури 1.054 TPS.
Најбрзи блокчејнови
CoinGecko
Оваа импресивна бројка ја прави Солана лидер меѓу сите блокчејн-платформи и ја потврдува нејзината репутација како најбрза платформа во светот на крипто.
Понатаму, во извештајот се наведени и други блокчејн-платформи и нивната брзина на трансакција во споредба со Солана. По Солана следува Суи (Sui) со 854 TPS, додека Бајненс смарт чејн (Binance Smart Chain / BSC) е на третото место со 378 TPS.
Нов механизам за временски печат
Иако овие платформи се исто така брзи, нивната брзина значително заостанува зад Солана, што укажува на нејзината екстремна технолошка супериорност во однос на брзината на обработка на трансакциите.
Во извештајот се истакнуваат и други важни блокчејн-платформи, како што се Полигон (Polygon), Тонкоин (Toncoin), Трон (Tron), Ниар (Near) и Аваланч (Avalanche), и нивната брзина на трансакција во споредба со водечките блокчејнови.
Солана е блокчејн-платформа со отворен код, која се фокусира на минимизирање на латентноста и максимизирање на пропусната моќ. Тоа го постигнува преку голем број уникатни карактеристики, вклучувајќи го и новиот механизам за временски печат наречен доказ за историја (roof of history / PoH), протокол за ширење блокови и паралелна обработка на трансакции.
Доказ за историја (PoH) овозможува Солана прецизно да нареди трансакции во хронолошка секвенца, со што се елиминира потребата за традиционални механизми за консензус, како што се доказ за работа (proof of work / PoW) или механизми за докажување на влогот (proof of stake / PoS). Тоа овозможува Солана да постигне високи брзини на трансакции без губење на безбедноста и децентрализацијата.
.webp){kind=icon}
Во моментов нема коментари за веста. Биди прв да коментира...