Институциите се враќаат како инвеститори во сферата на крипто валутите. Партнерството на Блек Рок (BlackRock Inc.) со Коинбејс Глобал (Coinbase Global Inc.), чија цел е да им го олесни на институционалните инвеститори управувањето и тргувањето со Биткоин, е надополнето со објавата на управителот дека го нуди својот прв инвестициски производ директно во токен. Во меѓувреме, хеџ фондот Бревен Хауард (Brevan Howard) собра повеќе од 1 милијарда долари за крипто фондот.
Тоа значи дека големите инвеститори се потиснати во просторот и сега бараат начин да останат во игра. Сето тоа се случува додека цените на крипто валутите покажуваат знаци на заздравување со тоа што Биткоин додаде 20 проценти на својата вредност во последниот месец, а Етер се зголеми за 80 отсто.
Растот на Биткоин-от, според дел од аналитичарите, може да се препише на неодамнешните оптимистички наслови за континуирано усвојување на крипто валутата од страна на институциите. Други, пак, велат дека големите мултинационални компании преземаат чекори и повлекуваат потези во период на пад на крипто пазарот.
Сепак, малите инвеститори кои всушност претставуваат крвоток во криптосферата, сè повеќе се размислуваат дали да се вратат во игра. Сè уште се свежи раните од падот на Биткоин-от од 70% од неговата највисока вредност во ноември, кога изнесуваше околу 69.000 американски долари.
Институционалните инвестиции во просторот за дигитални средства отсекогаш претставувале комплексна тема. Така е затоа што сопственоста не ја материјализираа долго време во зачетокот на крипто пазарот. Сепак, многу од компаниите влегоа на пазарот во време на пандемијата и тоа голем дел вложувајќи сè на блокчејн технологијата, додека други сакаа само да профитираат од големите добивки на криптовалутите, кои беа актуелни во тој период.
Договорот меѓу Блек Рок и Коинбејс за многумина е природна последица, иако не делува како катализатор на значајното зголемување на цените. Сепак, експертите сметаат дека ова е значајна работа бидејќи покажува дека интересот на институциите за дигиталните средства е далеку од опаѓање, односно значајна е побарувачката и од институционалните и од клиентите на мало.
Експертите се надеваат дека во блиска иднина институциите длабоко ќе влезат на пазарот и ќе преземат голем дел од тргувањето, со што крипто пазарот ќе стане традиционален финансиски маркет. Очекувањата се дека малите инвеститори ќе останат основен дел на успехот од поседувањето на крипто валути и блокчејн, додека институциите ќе претставуваат следна фаза на раст.
.webp){kind=icon}