Најважниот „автопат“ во крипто-сферата, „Етериум“ (Ethereum), го промени својот протокол. Блокчејн мрежата ја заврши досега најголемата и најамбициозна надградба на софтвер во светот на криптовалутите, соопшти денеска нејзиниот ко-основач Виталик Бутерин во објава на „Твитер“ (Twitter).
Наречен Merge („Спојување“), протоколот ги замени компјутерите што трошат многу енергија со енергетски поефикасно решение кое користи куп од матичните токени на мрежата, етер, сместени во специјални, т.н. инвестициски паричници. Како резултат на тоа, потрошувачката на енергија на Ethereum ќе се намали за околу 99 отсто.
Ваков пресврт никој досега не се ни обидел да направи, а камоли во Ethereum, кој е дом на околу 3.500 активни децентрализирани апликации, од игри до управувања со криптовалути вредни милијарди долари. The Merge не го менува искуството на крајниот корисник на Ethereum, но тоа е клучна отскочна даска за надградби што ќе ја направат мрежата побрза и поевтина, а дополнително треба да го зголемат нејзиниот статус и користење.
XETEUR:CUR
XET-EUR Cross Rate
1.600,505 EUR
-5,3551 -0,33%
почетна цена
1.605,8601
претходна цена на затворање
1.605,8601
промена од почетокот на годината
-50,6656%
дневен опсег
1.581,04 - 1.658,02
опсег на 52 недели
958,31 - 4.222,71
The Merge исто така ги промени својствата на етер, што го прави посличен на хартиите од вредност кои носат принос. Се очекува да биде околу 5,2 проценти по спојувањето, според базата на податоци на Staking Rewards. Поради очекуваното нето намалување на понудата на етер токени кратко време по ажурирањето, валутата треба да стане поатрактивна за инвеститорите.
Етер скокна повеќе од пет пати во 2021 година, надминувајќи го биткоинот со голема разлика, делумно поради оптимизмот за спојувањето. Двата токена поминаа низ груб период откако достигнаа рекордни височини во ноември, при што етерот падна за повеќе од 50 отсто годинава.
Надградбата на софтверот се нарекува Merge бидејќи постојниот блокчејн Ethereum ќе се комбинира со паралелна мрежа која работи речиси две години за да го тестира концептот на proof of stake. Севкупно, надградбата се разгледува повеќе од седум години.
Иако е завршено, спојувањето може да биде проследено со проблеми во наредните денови или дури и недели, врз основа на она што се случи по некои претходни ажурирања на софтверот. Загрижени поради грешки и хакерски напади, крипто-берзите како Coinbase Global Inc. ги паузираа повлекувањата и депозитите во врска со Еthereum додека софтверот се надградуваше. Крипто-заемодавачот Aave го суспендираше заемот на етер пред спојувањето.
.webp){kind=icon}
Во моментов нема коментари за веста. Биди прв да коментира...