.webp){kind=icon}
Богатството на најголемите американски милијардери во вторникот се намали за 93 милијарди долари, што е деветта најлоша дневна загуба досега, бидејќи податоците за инфлацијата во САД се покажаа пожешки од очекуваното и ги потресоа пазарите.
Лош ден за милијардерите
Податоците за инфлацијата кои беа повисоки од очекуваните збришаа милијарди од контото на најголемите американски богаташи / Bloomberg
Богатството на Џеф Безос падна за 9,8 милијарди долари, најмногу меѓу оние што ги следи индексот на милијардери на Блумберг (Bloomberg Billionaires Index). Нето вредноста на Илон Маск падна за 8,4 милијарди долари. Богатствата на Марк Цукерберг, Лери Пејџ, Сергеј Брин и Стив Балмер се намалија за повеќе од 4 милијарди долари, додека Ворен Бафет и Бил Гејтс загубија 3,4 односно 2,8 милијарди долари, соодветно.
Прочитај повеќе
Се намалува инфлацијата во САД, во август растот на цените е 8,3 отсто
После рекордот во јуни од 9,1 отсто, инфлацијата се намали на 8,5 во јули, а во август е 8,3 проценти
13.09.2022
Инфлацијата предизвика најлош берзански ден во последните две години
Индексот „Dow Jones“ падна за 4 проценти, „S&P 500“ за 4,3 отсто, а „Nasdaq“ за дури 5,2 проценти
14.09.2022
8-минутен говор им збриша 78 милијарди долари на најбогатите во САД
Во рок од осум минути, претседателот на ФЕД, Џером Пауел, предизвика распад на пазарот што го намали богатството на најбогатите луѓе во Америка.
27.08.2022
Големата дневна загуба на милијардерите ја рефлектира широката распродажба на американската берза, бидејќи инвеститорите се обложуваат дека податоците за индексот на потрошувачки цени, кои во вчерашните резултати се покажаа повисоки од очекуваното, ќе предизвикаат Федералните резерви (ФЕД) поагресивно да ги подигнат каматните стапки. S&P 500 падна за 4,4 отсто, најмногу од јуни 2020 година, додека технолошкиот Nasdaq 100 Index падна за 5,5 отсто, најмногу по падот од повеќе од 12 отсто во март 2020 година.
Вчерашниот беше најновиот во серијата тешки денови годинава за пазарите и за богатството на милијардерите. Само минатиот месец, истата група американски милијардери изгуби 78 милијарди долари во еден ден по осумминутниот говор на претседателот на Федералните резерви, Џером Пауел.
Севкупно, 500-те најбогати луѓе вредат околу 1,2 трилиони долари помалку отколку што беа на почетокот на годината. Цукерберг, главен извршен директор на Meta Platforms Inc., изгуби 68,3 милијарди долари, или околу 54 отсто од своето богатство, додека извршниот директор на Binance, Чангпенг Жао, остана без 61 милијарда долари, или околу 64 отсто.
