.webp){kind=icon}
Глобалниот пазар на компјутери го забележа најголемиот пад во историјата. Економската неизвесност и големите непродадени залихи придонесоа да се намалат испораките веќе четврти квартал по ред.
Испораките на светко ниво на декстоп и лаптоп компјутери се намалија за 19,5 отсто во третиот квартал годинава, споредено со истиот период лани, покажува извештајот на истражиувачката компанија „Gartner“. Тоа претставува најголем пад откако „Gartner“ ги следи овие податоци, односно најголем пад во последните повеќе од две децении, а бројките се слични на тие што ги објави и „Canalys“, чии анализи исто така покажуваат двоцифрен пад.
Продавачите на компјутери и главните добавувачи, како што е „Advanced Micro Devices Inc“, предупредија на забавување на пазарот годинава, нагласувајќи ја потребата да се замени работата од далечина и онлајн учењето кога ќе попушти пандемијата. Иако обемот на испорака уште достојно се споредува со бројките од пред пандемијата, а порастот укажува на позитивна побарувачка, сепак е веројатно дека економските проблеми ќе влијаат на ИТ побарувачката и за деловна и за лична употреба во текот на следната година, наведува „Canalys“.
„Влошувањето на побарувачката во сите сегменти е загрижувачки знак не само за продавачите, туку и за заинтересираните страни во ланецот на снабдување“, рече Ишан Дат, виш аналитичар во „Canalys“ и додава дека "Intel и „AMD“ се соочуваат со пречки поради слабото работење со компјутерите, а производителите на малите компјутерски компоненти го намалија производството и ги ревидираат надолу прогнозите за заработка.
Пазарот веројатно ќе заздрави во текот на втората половина од 2023 година, смета Дат.
Новите ограничувања за тргување со чипови и електроника со Кина од страна на администрацијата на американскиот претседател Бајден, веројатно ќе влијае и на прогнозите за заздравување на производителите на компјутери и компјутерска опрема. Со одлуката се ограничува технологијата што американските компании може да ја продаваат во Кина, а тоа може да доведе до реципрочни мерки од страна на Пекинг.
„Lenovo Group Ltd“ остана водечки светски производител на компјутери, иако неговите испораки паднаа за околу 15 отсто, според анализата на „Gartner“. Меѓу првите пет добавувачи „HP Inc“ забележа најголем пад во третиот квартал од 28 проценти.
