text size
Работејќи во својата градина во Данска, човек открил најголемо богатство од сребро од викиншката ера досега пронајдено во таа нордиска земја.
Сопственикот на градината пронашол 18,5 килограми (41 фунта) сребро, составено од 700 предмети, во станбена населба во северен Јитланд, соопшти локалниот музеј НМ (Nordjyske Museer) во понеделникот.
Наодот од 10 век, кој вклучува сребрени прачки, белезици и монети, е речиси трипати потежок од претходниот дански рекорд. Тој се рангира на третото место меѓу познатите викиншки богатства во сребро, по откритијата кај Спилинг на шведскиот остров Готланд и Кердејл во Англија, според Торбен Сарау, археолог во музејот.
Данската држава ќе го преземе сопствеништвото над богатството и ќе му исплати надомест на пронаоѓачот (кој побарал од музејот да не го идентификува) еднаков на вредноста на среброто, плус бонус заснован на историската вредност на предметите. Според моменталната цена од понеделникот, 18,5 килограми чисто сребро вредат околу 40.000 долари.
.webp){kind=icon}
