text size
Министерството за труд на САД предлага построги правила за компаниите кои се залагаат да спонзорираат странски работници за добивање постојан престој, со што се насочува кон програма што Силициумската долина долго време ја користи за да ги задржи талентираните работници од странство.
Предлогот би ја изменил Програмата за сертификација на постојана работната сила (Permanent Labor Certification Program), или PERM, која претставува чекор во процесот за добивање многу од зелените карти врз основа на вработување и која, генерално, бара работодавачите да докажат дека квалификувани работници од САД не се достапни за одредено работно место, според извештај објавен во понеделникот.
Министерството соопшти дека измените ќе ја зајакнат заштитата на работниците од САД погодени од отпуштања, вклучително и оние вработени преку агенции за посредување при вработување, како и дека ќе бараат од работодавачите да пријавуваат отпуштања од работа.
Компаниите, исто така, ќе мора да вложат поголеми напори за да регрутираат квалификувани работници од САД пред да побараат одобрение за спонзорирање странски вработен.
Технолошките компании долго време ја користат оваа програма за да им помогнат на вработените со привремени работни визи да добијат зелени карти, овозможувајќи им трајно да останат во САД. Предлогот би го отежнал тој процес во време кога администрацијата врши притисок врз индустријата да вработува повеќе Американци.
Во известувањето се наведува дека документот ќе биде објавен во Федералниот регистар в вторник, а јавноста ќе има 60 дена да достави писмени коментари.
Минатиот месец, потпретседателот Џеј Ди Венс објави дека на осум технолошки компании и компании за аутсорсинг, меѓу кои и „Мајкрософт“ и „Адоби“, на неопределено време им е забрането да спонзорираат вработени за добивање зелени карти преку програмата PERM, додека официјалните лица истражуваат дали тие го злоупотребиле системот. Во соопштение, „Мајкрософт“ ја бранеше својата употреба на визите и соопшти дека со нетрпение очекува да ѝ достави дополнителни информации на администрацијата.
Предлогот е дел од пошироките напори на администрацијата за ограничување на имиграцијата спонзорирана од работодавачи, вклучително и мерките за зголемување на таксите за визите Х-1Б наменети за квалификувани работници, како и за работните дозволи за странски дипломирани студенти според програмата за факултативна практична обука (Optional Practical Training - OPT).