Персонализирана регистарска табличка е продадена за 25,5 милиони хонгконгшки долари (3,2 милиони американски долари) на аукција во Хонгконг, што е втора највисока понуда досега во градот каде вообичаени се впечатливите и понекогаш збунувачки таблички за автомобили.
Понудите се давале за регистарска табличка со буквата „R“ која се појави на аукција за лунарната Нова година организирана од Министерството за транспорт на Хонгконг. Понудата речиси ја надмина рекордната понуда од 26 милиони хонгконгшки долари дадени за регистарска табличка со буквата „W“ во 2021 година, според рангирањето објавено од секретарот за транспорт на Хонгконг, Лам Саи-хунг.
Откако беше воведен персонализираниот систем на регистарски таблички во 2006 година, имаше повеќе од 160 аукции и регистрирани се над 40.000 таблички, што донесе повеќе од 600 милиони хонгконгшки долари за владата, наведе Лам.
Луѓето можат да аплицираат за табличка по свој избор и да започнат процес кој понекогаш трае и до 18 месеци пред регистрацијата да дојде на аукција. Апликантите мора да платат депозит од 5.000 хонгконгшки долари, а доколку нема други понудувачи, табличката ќе биде нивна за износот на депозитот.
Bloomberg Mercury
Победничката понуда за табличката со ознака „R“ била 5.100 пати повисока од цената за која била резервирана и претставувала повеќе од 80 отсто од вкупниот приход остварен на аукцијата, се вели во соопштението на Владата.
Корисниците на онлајн форумот LIHKG од Хонгконг шпекулираат дека причината за толку високата понуда можеби е тоа што „R“ е првата буква од зборот „богат“ (анг. rich). Причината може да биде и фенг шуи, бидејќи „R“ значи среќа во следните 20 години, објави локалниот медиум HK01.
Одделот за транспорт на Хонгконг одби да даде дополнителни информации за победникот на аукцијата.
.webp){kind=icon}
Во моментов нема коментари за веста. Биди прв да коментира...