За првпат, повеќе од половина милениумци поседуваат дом во САД. Останатите сè повеќе мислат дека таквата цел е надвор од нивниот дофат.
Стапката на сопственост кај милениумците достигнала 51,5 отсто во 2022 година, покажуваат податоците од американскиот попис. Требаше многу време за овој процент да стигне дотаму за генерацијата што стана полнолетна за време на финансиската криза - на возраст од 30 години, 42 отсто од милениумците поседуваат свои домови во споредба со 48 отсто од генерацијата икс и повеќе од половина од „бумерите“.
Милениумците сè повеќе се откажуваат од поседувањето на дом
Удел на милениумците кои планираат „да живеат под кирија засекогаш“
Bloomberg
Oние кои сè уште живеат под кирија почнуваат да мислат дека никогаш нема да стигнат до свој дом. Всушност, речиси секој четврти милениумец во САД планира да изнајмува засекогаш, за разлика од еден од седум само три години претходно, според истражувањето на страницата за недвижности „Апартмент лист“ (Apartment List).
Повеќето милениумци кои не се сопственици на куќи велат дека не можат да си дозволат да купат во моментов, или затоа што немаат аванс или затоа што не можат да си ги дозволат месечните трошоци за хипотека. Околу 67 отсто од оние кои сакаат да поседуваат дом во одреден момент од својот живот немаат заштедени пари за аванс, а 18 отсто имаат помалку од 10.000 долари, според „Апартмент лист“. Околу 42 отсто велат дека една од нивните најголеми пречки за сопственост на дом е лошиот кредит, за разлика од 39 отсто во 2018 година.
Милениумците, генерација родена меѓу 1981 и 1996 година, заостануваат зад другите генерации кога станува збор за богатството, погодени од економската криза во 2008 година, платите кои стагнираат, вртоглавото покачување на цените на куќите за време на пандемијата и сега зголемените каматни стапки и инфлацијата. Скоро половина од нив живеат од месец за месец, според податоците од 2022 година, а малкумина поседуваат акции или се ослободени од студентски долгови.
Оние кои успеале да купат дом се претежно во поевтини градови, при што 63 отсто од милениумците кои поседуваат домови се во Гранд Рапидс, Мичиген, во споредба со само 27 отсто во Лос Анџелес.
.webp){kind=icon}
