Русија го прекина патниот и железничкиот сообраќај преку клучниот мост кон Крим, откако властите прогласија „вонредна состојба“ поради неодреден инцидент на еден од неговите потпорни столбови.
Инспектори биле испратени до мостот преку Керченскиот теснец што ја поврзува Русија со Крим по инцидентот во понеделникот во раните утрински часови на 145. столб на ова поврзување, рече Сергеј Аксјонов, гувернерот на полуостровот инсталиран во Кремљ во објава на Телеграм. Тој ги повика луѓето да се воздржат од патување од безбедносни причини или да бараат алтернативни копнени патишта низ територијата окупирана од Русија во јужна Украина.
Железничкиот сообраќај можеби ќе продолжи во 9 часот по локално време, а возилата може алтернативно да поминуваат со траектите, рече тој, без да даде дополнителни детали за инцидентот.
Прочитај повеќе
Зеленски: Апсурдно е да не и се понуди членство на Украина во НАТО
Апсурно и незамисливо е Украина да не добие временска рамка за прикучување кон Северноатлантската алијанса, Зеленски со низа критики кон НАТО
11.07.2023
Неверојатен пресврт: Европа од немајкаде сака да складира гас во Украина
Украина може да складира речиси 31 илјада милијарди кубни метри гас, што е еквивалентно на 40 проценти од вкупните капацитети на европскиот периметар.
28.06.2023
Најголемите грешки на Путин по бунтот на „Вагнер“
Угледот на рускиот претседател Владимир Путин е нарушен...
26.06.2023
Рекорден пад на рубљата откако Вагнер го предизвика Путин
Аналитичарите предвидуваат дека вредноста на руската валута уште ќе се намалува
26.06.2023
ЕУ ја прошири листата на руски бизнисмени кои се под санкции
Сега под санкции ќе се сите бизнисмени вклучени во економските сектори и обезбедуваат значителен извор на приходи за Русија
09.06.2023
Пченицата поскапе по експлозијата на браната и ескалацијата во Украина
Фјучерсите на пченицата во американското тргување се за 0,3 проценти повисоки.
06.06.2023
Во октомври, минатата година, голема експлозија одекна низ мостот, оштетувајќи еден од неговите столбови и привремено го запре железничкиот сообраќај што се користи за снабдување на руските сили на полуостровот и во јужните украински области окупирани од војниците на Кремљ, кои се соочуваат со украинска контраофанзива за враќање на териториите. Претседателот Владимир Путин ја обвини Украина за тој напад. Подоцна Русија изврши неколку интензивни удари против Украина, оценети како удари со најголема офанзива од првите денови на нејзината инвазија во февруари 2022 година.
Путин наредил да се изгради мостот по анексијата на Крим од Украина, нарекувајќи ја врската со Русија „историска мисија“ кога започна изградбата во 2016 година.
Истражниот комитет соопшти дека испраќа тим со форензичари да го испитаат местото на последниот инцидент на мостот.
Додека официјалните лица сепак објавија малку детали, факт е дека Русија објави дека имало интензивни напади со беспилотни летала на Крим во неделата. Седум беспилотни летала и две подводни возила се уништени, соопшти руското Министерство за одбрана, обвинувајќи ја Украина за „терористички напад“.
Со Силвија Вестал
.webp){kind=icon}
