Високите температури фокус на разговорите на министрите од Г-20

Екстремните температури во САД, Европа и Азија и нивното влијание фокус на состанокот на министрите за енергетика Г-20. Состанокот се одржува во Индија, а планирано е да се развовара за можен нов план во климатските активности и за оддалечувањето од фосилните горива.

Разговорите во Гоа имаат за цел да ја постават основата за лидерскиот самит во септември и да понудат можност за повторно заживување на слабата енергетска дипломатија пред клучните глобални состаноци оваа година. На настанот во Индија се очекува да се обрати султанот Ахмед Ал Џабер од Обединетите Арапски Емирати, претседател на конференцијата COP28.

 

Bloomberg Mercury

Неодамнешните топлотни бранови ги урнаа температурните рекорди и предизвикаа смртни случаи во Индија и во други држави. Тоа ги поттикна повиците од активистите до лидерите на државите да станат попосветени на ограничувањето на емисиите и да ги прошират напорите за ограничување на порастот на глобалните температури на 1,5 Целзиусови степени.

Зајакнувањето на меѓународните врски се од суштинско значење за справувањето со климатските промени и за обезбедување на регионите кои треба да имаат корист од транзицијата кон почиста енергија, според австралискиот министер за климатски промени и енергија Крис Боуен. „Глобалната климатска вонредна состојба е исто така заедничка економска можност за клучните партнери“, рече Боуен, пред да отпатува на разговорите во Гоа.

 

 

Разговорите во текот на изминатата недела меѓу САД и Кина најголеми светски емитери на стакленички гасови, не успеаја да испорачаат ниту еден голем нов договор, намалувајќи ги надежите и за Г-20 и за COP28, кој започнува во ноември во Дубаи. Двете сили сега ќе ги забрзаат своите дискусии за да дојдот до договор за потребата да се намали потрошувачката на јаглен, рече американскиот претставник за клима Џон Кери во средата во Пекинг. Состанокот на министрите за енергетика на Групата седум (Г7) во април ги разочара активистите, поради неуспехот да се договори ставање крај на новите инвестиции во јаглен и нудејќи одредена поддршка за проектите за природен гас.