САД работат со Египет, Израел и Катар за да го отворат преминот Рафа од Газа до Египет во сабота попладне, изјави висок претставник на Стејт департментот.
„Се обидувавме да го олесниме пристапот за да биде отворен од 12 до пет денес“, изјави за новинарите службеник кој патува со американскиот државен секретар Антони Блинкен.
„Египќаните, Израелците и Катарците работеа со нас на тоа“.
Саудиска Арабија ги прекина разговорите за потенцијална нормализација на односите со Израел, соопштија саудиски дипломатски извори, а Јордан денеска предупреди дека секој потег на Израел да предизвика нов палестински егзодус ќе го турне регионот во „амбис“ на поширок регионален конфликт.
Повеќе од два милиони луѓе се загрозени бидејќи водата во Газа е при крај, предупредија ОН. Тие истакнуваат дека повеќе од 1.300 згради во Појасот Газа се уништени во израелското бомбардирање.
Хуманитарната агенција на Светската организација OCHA објави дека 5.540 станбени единици во тие згради се уништени, а речиси 3.750 домови се толку тешко оштетени што повеќе не може да се живее.
Јан Егеланд, поранешен норвешки дипломат кој беше вклучен во Договорот од Осло и ги олесни преговорите меѓу Палестинците и Израел, вели дека наредбата на Израел за евакуација на северот на Газа е принуден трансфер на луѓе, што според Женевската конвенција се смета за воено злосторство.
Егеланд, кој е генерален секретар на Норвешкиот совет за бегалци, додава дека сега не постои практичен начин да се пристапи кон тековната хуманитарна катастрофа во Газа.
Конфликтот продолжи во саботата, при што Хамас истрела уште ракети кон јужен Израел. Во изминатиов час во Тел Авив има постојан налет на ракети. Израелската војска соопшти дека убила „голем број терористи“ откако тие се обиделе да преминат од Либан на израелска територија и објави дека е убиен човек осомничен за организатор на нападите на Хамас минатиот викенд.
.webp){kind=icon}
