Маск во Израел се сретна со Нетанјаху, вети дека по војната ќе помогне во обновата

Милијардерот Илон Маск истакна дека би сакал да помогне во обновата на Газа по војната меѓу Израел и Хамас во разговор со премиерот Бенјамин Нетанјаху на својата социјална платформа Х.

Важно е прво да се „дерадикализираат“ палестинските територии, слично на тоа како што другите арапски држави станаа поумерени во последниве години, вклучувајќи ја и Саудиска Арабија, рече Нетанјаху во директната дискусија емитувана на платформата порано позната како Твитер.

Маск, кој е на удар на критики поради засилување на антисемитската содржина на Х, се среќава со израелски официјални лица и го обиколи кибуцот Кфар Аза, каде што на 7 октомври се случија некои од најголемите насилства, кога милитантите на Хамас го пробија граничниот ѕид на земјата и нападнаа цивили. Маск опиша дека за време на обиколката видел чаури од куршуми во детски креветчиња.

Откако ги гледаше снимките од нападот на Хамас, прогласен за терористичка група од САД и Европската Унија, Маск ја нарече очигледната радост што ја изразуваат убијците „злобна“ и „застрашувачка“. Израел прикажува снимки од нападот на Хамас низ целиот свет.

Сепак, Нетанјаху не се осврна на најновиот антисемитски спор на Х во приближно 20-минутниот разговор. Маск се бранеше од, како што ги нарече, „лажните медиумски приказни“ откако претходно месецов одобри антисемитска теорија на заговор на X. Големи брендови, вклучувајќи ги „Епл“ (Apple Inc.) и „Волт Дизни“ (Walt Disney Co.), престанаа да се рекламираат на неговата платформа за социјално вмрежување поради загриженоста за зголемениот антисемитизам и говор на омраза откако тој го презеде Твитер минатата година.

Патувањето на Маск во Израел ќе вклучи и средби со Бени Ганц, опозициски лидер и член на тричлениот воен кабинет, и со претседателот Исак Херцог.

Во моментов нема коментари за веста. Биди прв да коментира...

Остави коментар