Склоноста на Маск кон дрога е проблем за управните одбори во неговите фирми

Употребата на дрога на Илон Маск ги загрижува директорите и членовите на одборите во компаниите што тој ги води, објави „Волстрит журнал“, повикувајќи се на анонимни извори.

Маск често користел ЛСД, кокаин, екстази и психоделични печурки на неговите приватни забави, пишува весникот. Луѓе блиски до шефот на „Тесла“ и „Спејс Х“ изјавија дека тој продолжува да се дрогира, особено со кетамин. Маск во август изјави дека има рецепт за лекот да се користи како антидепресив.

Откако Маск пушеше марихуана на поткастот на Џо Роган во септември 2018 година, Пентагон размислуваше да му го одземе федералното безбедносно одобрение како извршен директор на „Спејс Експлорејшн Технолоџис“, компанија со сертификат за лансирање воени шпионски сателити.

„После тој еден „дим“ со Роган, се согласив, на барање на НАСА, да се подложам на случајно тестирање за дрога во текот на три години. Ни ми беа пронајдени ни најмали траги од каква било дрога или алкохол“, објави Маск (52) вчера на Х, социјалната мрежа чиј сопственик е тој.

Маск не одговори на барањето на „Блумберг Њус“ за коментар. Алекс Спиро, адвокатот на милијардерот, изјави за „Волстрит журнал“ дека неговиот клиент бил „редовно и случајно тестиран за дрога во „СпејсX“ и никогаш не паднал на тест.“ Тој рече дека статијата содржи „лажни факти“, но не наведе конкретно кои се тие.

„СпејсX“ во моментов е единствената американска компанија одобрена од НАСА за транспорт на астронаути до Меѓународната вселенска станица. Во последните години, Пентагон ја зајакна соработката со компанијата на Маск во однос на поголем број лансирања, а во јуни беше потпишан договор со „Старлинк“ за поддршка на украинската армија.

„Волстрит журнал“ објави дека Линда Џонсон Рајс, која стана извршен директор на „Тесла“ во 2017 година, не се кандидираше за реизбор две години подоцна поради фрустрација од однесувањето на Маск и загриженоста за неговата употреба на дрога.

Маск надгледува шест компании: „Тесла“, „СпејсХ“, X, „Д Боринг“, „Неуралинк“ и стартапот за вештачка интелигенција „xВИ“.

Неговото богатство од 219,4 милијарди долари моментално го става на првото место на индексот на милијардери на „Блумберг“.