Разводот е скап, а истражувачите од Банката на федерални резерви (Фед) на Сент Луис пресметаа некои од загубите.
По разделбата, приходите на мажите во просек паѓаат за 17 отсто, додека кај жените се намалуваат за 9 отсто, наведоа истражувачите во објава понеделникот. Вработените луѓе кои поминале низ развод во изминатите 12 месеци забележале намалување на приходот за 12 отсто, заработувајќи помалку од оние кои не поминале низ развод.
Разлики во приходите на неодамна разведените мажи и жени
Bloomberg
Кај оженетите мажи - кои имаат тенденција да заработуваат повеќе од другите работници - најмладите плаќаат највисока финансиска казна, при што оние на околу 28 години се на удар со пад на приходите од 43 отсто по разводот, покажаа податоците. За жените, најлошата возраст за разделување е блиску до нивниот 65-ти роденден, што може да доведе до пад на приходите за 57 отсто.
Причините зад падот не се јасни, посочува Гијом Ванденброук, економист во Фед во Сент Луис. Податоците ги опфаќаат конкретно приходите, а не целокупното богатство.
„Зошто неодамна разведените работници заработуваат помалку од другите? Една од можностите е дека овие лица ги менуваат своите работни навики: или работат помалку часови или работат различни, послабо платени позиции“, наведува тој во белешката.
.webp){kind=icon}