Животните предизвици како финансискиот притисок или стресот се еднакво штетни за здравјето на луѓето како и настаните како што се загуба на сакана личност, болест или развод, покажува новото истражување на британските научници од Институтот за епидемиологија и здравствена заштита на УЦЛ (UCL).
Комуникацијата помеѓу нашиот имунолошки, нервен и ендокринолошки систем е неопходна за одржување добро здравје. Нарушувањето на овие процеси е поврзано со разни психички и физички болести, од срцеви заболувања до депресија и шизофренија.
Кога едно лице е во стресна ситуација, сигналите помеѓу имунолошкиот, нервниот и ендокринолошкиот систем се активираат и стимулираат физиолошки и промени во однесувањето.
Истражувачите ги анализирале концентрациите на четири биомаркери во крвта на речиси пет илјади луѓе постари од 50 години. Тимот користел софистицирана статистичка техника, анализа на профили, за да идентификува кластери на активност на биомаркери. Биле идентификувани три групи, кои беа означени како низок здравствен ризик, умерен ризик и висок ризик. Тие потоа истражувале како изложувањето на стресни околности може да влијае на веројатноста луѓето да бидат во група со висок ризик.
Depositphotos
Студијата покажа дека учесниците во студијата што биле под стрес само за нивната финансиска состојба имале 60 отсто поголеми шанси да развијат високоризичен здравствен профил по четири години. За секоја дополнителна стресна ситуација, како што е разводот, таа веројатност скокала за дополнителни 19 проценти.
Набљудуваната врска се одржува без оглед на генетиката, социоекономските фактори, возраста или полот на учесниците или нивниот начин на живот.
Студијата исто така покажа дека финансискиот стрес, тешката загуба и долготрајната болест најсилно влијаеле на промените во имунолошките и невроендокрините биомаркери, што укажува на континуиран физички ефект на хроничен стрес.
Истражувачите откриле дека финансискиот стрес е најштетен за биолошкото здравје, а причината за тоа е што оваа форма на стрес може да проникне во многу аспекти од нашите животи, што доведува до семејни конфликти, социјална исклученост, па дури и глад или бездомништво.
.webp){kind=icon}
Во моментов нема коментари за веста. Биди прв да коментира...