Со години инвеститорите што вложуваа пари во психоделични акции се обложуваа дека нивниот момент на пробив - и зачудувачки приноси што ќе следуваaт брзо потоа - е веднаш зад аголот. И од година на година тоа беше, во голема мера, губитнички облог.
Сега, по три месеци во 2024 година, инвеститорите повторно се трупаат.
Акциите на „Мајнд медисин“ (Mind Medicine Inc.) или „Мајндмед“ (MindMed) се зголемија повеќе од двојно годинава, додека цената на акциите на „Џи-ејч рисрч“ (GH Research Plc) се зголеми за приближно 85 отсто. „Атаи лајф“ (Atai Life Sciences NV), поддржан од милијардери, се искачи за повеќе од 25 отсто.
Прочитај повеќе
Маск смета дека тоа што зема кетамин е во најдобар интерес на инвеститорите
Маск изјави дека тоа што му е пропишана употреба на кетамин ги ублажува периодите кога тој е во лошо расположение.
18.03.2024
Бизнис-титани и злоупотреба на дрога
Пејот е халуциногено овошје од американските пустини што стана култна билка.
11.03.2024
Овие придобивки е лесно да се отфрлат како уште една „лажна надеж“ во секторот што имаше многу такви. Сепак, некои од најжестоките набљудувачи на пазарот од 15 милијарди долари велат дека овој пат навистина може да биде поинаку.
Како прво, третманот за анксиозност на „Мајндмед“ базиран на ЛСД е само трет лек во психоделичната категорија што обезбеди т.н. ознака за пробив од американската Администрација за храна и лекови (ФДА) - статус што треба да го забрза неговиот развој. Уште повеќе, се очекува во август агенцијата да објави значајна одлука за тоа која би можела да биде првата одобрена психоделична терапија, односно третман за посттрауматско стресно растројство базиран на МДМА, народски попознати како екстази.
Тоа би можело да го отвори патот за повеќе одобренија и поплава од нови инвестиции, според Коди Шандроу, управен партнер во „Амбрија капитал“ (Ambria Capital).
„Ќе биде епски“, вели Шандроу, кој е активен во секторот од 2019 година. „Тоа одобрение ќе направи пресврт во биг фарма“.
Одобрувањето од ФДА, се разбира, е далеку од загарантирано. Психоделиците долго време се борат да добијат регулаторно одобрување, а набљудувачите на индустријата велат дека монетизирањето на халуциногени средства ќе донесе предизвици.
Сепак, Линдзи Хувер, коосновачка и управна партнерка во ЏЛС (JLS Fund), кој инвестира во психоделична технологија, е позитивно настроена за иднината на таквите терапии.
„Кога ќе добиете одобрение од прва фаза до трета фаза, тоа е голема работа“, рече Хувер. „Кога ќе стигнете до точка каде што лекот може да се пропишува, тоа е голем магнет што ќе ви помогне да ги поминете другите ефективни терапии“.
Инвеститорите до 11 август треба да знаат дали добила одобрение терапијата со помош на МДМА од „Ликос“ (Lykos Therapeutics), профитниот оддел на повеќедецениската непрофитна организација што поддржува психоделични истражувања.
Пад на канабисот
Оние што се скептични дека надоаѓа возбудлив циклус треба само да укажат на бумот и падот на акциите на канабисот во последниве години.
Како што државите ги олабавија правилата за медицинска и рекреативна употреба, интересот на трговците на мало се зголеми. Средствата во ЕТФ „Емплифај алтернатив харвест“ (Amplify Alternative Harvest) се зголемија над 2,5 милијарди долари. Сега, откако лудилото одамна стивна, фондот надгледува околу 270 милиони долари.
Bloomberg
Меѓутоа има разлики. Компаниите за канабис главно имаа корист од рекреативната употреба, додека фирмите што работат на психоделици ги развиваат за грижа за менталното здравје, според биофармацевтски модел.
Според Џејн Едмондсон, шеф за тематска стратегија во ТМХ (TMX VettaFi), за психоделиците, за разлика од канабисот, има поголема веројатност да се произведуваат отколку да се одгледуваат. За Едмондсон тоа значи дека компаниите би можеле да наплатат повеќе и да заработат подобри маржи.
Психоделична ренесанса
Додека декриминализација на психоделиците и нивната употреба добиваат поширока прифатеност, комерцијалниот успех сепак може да ги избегне развивачите на овој вид дроги. Остануваат големите грижи за заштитата на патентите, цените на лековите, осигурувањето и прифаќањето од страна на пациентите.
Според Едмондсон, прерано е да се каже дали психоделиците излегле од зад аголот.
„Позитивното расположение околу сето ова е пренагласено“, рече таа, додавајќи дека муабетот за „психоделична ренесанса“ се врти со години. Сепак, таа истакна дека има голема потреба од нови третмани за ментални болести и „ако можете да ја надминете негативната аура околу некои од овие лекови, се чини дека има добри изгледи за употреба“.
.webp){kind=icon}
