Патнички авион на „Азербејџан ерлајнс“ со 67 лица се урна во близината на градот Актау на Касписко Море во Казахстан за време на принудно слетување, според казахстанските власти.
Во авионот имало 62 патника и пет члена на екипажот.
Авионот „ембраер 190“ (Embraer 190) извршил принудно слетување на околу три километри од Актау, наведе „Азербејџан ерлајнс“ во изјава. Причината поради вонредната ситуација најверојатно била удар во птици, објави државната новинска агенција „Азартак“, цитирајќи претставник на авиокомпанијата.
Летот од Баку, Азербејџан, до Грозни во јужна Русија бил пренасочен кон Махачкала на рускиот касписки брег поради магла, а потоа кон Актау, според новинската агенција „Тасс“.
Според најновите информации од казахстанските медиуми, 32 лица го преживеале падот на патничкиот авион, додека 35 загинале.
Казахстанското Министерство за транспорт соопшти дека во авионот имало државјани на пет земји - 37 Азербејџанци, шест државјани на Казахстан, тројца државјани на Киргистан и 16 Руси.
*Ажурирано со најновиот биланс за преживеани и загинати патници
.webp){kind=icon}
