За добитникот на џекпотот од 1,26 милијарди долари на лотаријата „Мега милионс“ (Mega Millions), од ливчето продадено во Калифорнија, екстазата од големата добивка може наскоро да се претвори во анксиозност поради некои големи одлуки кои му претстојат.
„Ова е момент што го менува животот и не треба секоја одлука да се носи веднаш,“ рече Метју Либман, главен извршен директор и основачки партнер на АВА (Amplius Wealth Advisors).
Првиот совет на Либман е добитникот да изгради силна врска со четири различни советници: советник за богатство, даночен сметководител, адвокат за имот и терапевт пред да донесе било каква одлука околу исплатата.
Џекпотот добиен на крајот од минатата година (27 декември) беше петтиот по големина на „Мега милионс“ во историјата на САД, а добитниот тикет бил продаден на бензинска пумпа во Котонвуд, област со околу 6.000 жители, во северниот тел на Калифорнија. Идентитетот на добитникот не беше веднаш откриен.
Додека повеќето добитници на големи награди од лотарија обично бираат исплата во готово, што во овој случај би било околу 571,9 милиони долари, финансиските планери сè уште велат дека има причина да се избере ануитет — распределен на 30 годишни исплати.
„Ануитетот обично е поголема исплата,“ вели Ентони Лав, директор за даноци и доверба во КВП (Quotient Wealth Partners). Ако добитникот е млад и здрав, тоа веројатно е подобра опција, советува тој. Тие што го избираат ануитетот исто така можат да го избегнат потенцијалниот проблем на гледање како нивните заработки испаруваат преку лоши инвестиции или други финансиски одлуки.
Ако добитникот е постар, исплатата во готово може да биде подобар избор, смета Лав. „Ако ја прифатите исплатата во готово, ги добивате сите пари одеднаш, можете да ги инвестирате парите како што сакате и плаќате данок во период кога ефективната даночна стапка е најниска во една цела генерација,“ рече тој.
Масивните награди од лотарија во САД станаа сè почести во последниве години, што се припишува на промените во правилата на играта и повисоките цени на тикетите. Од 2016 година, повеќе од 10 џекпоти надминаа милијарда долари, вклучувајќи три само во 2024 година.
Милијардерот Марк Кјубан исто така имаше некои добро обмислени совети за добитниците на лотарија. Тој за „Далас морнинг њуз“ (Dallas Morning News) во 2016 година изјави дека добитниците треба да ангажираат даночен адвокат, да избегнуваат да ја земат исплатата во готово и да кажат не на пријателите и роднините кои бараат пари. Имањето многу пари нема веднаш да ве направи добар инвеститор, па добитниците треба исто така да ги стават парите во банка и да ги чуваат безбедни, рече тој.
Либман, од АВА, исто така го советуваше добитникот да земе длабок здив.
„Го велам тоа сериозно затоа што, од она што го разбрав од минатите добитници на лотарија, тоа може да биде голем стрес за нивното ментално здравје“, рече тој.
Претходната добивка на „Мега милионс“ се случи во септември, кога ливче освои награда од 810 милиони долари. Рекордниот џекпот од 1,58 милијарди долари беше освоен во Флорида во август 2023 година.
.webp){kind=icon}
