Министерот за здравство, Арбен Таравари на денешната прес-конференција информираше дека вкупно 118 лица се хоспитализирани во различни болнички капацитети по трагедијата во Кочани. Тој нагласи дека сите пациенти добиваат неопходна медицинска грижа и дека здравствениот систем е целосно мобилизиран.
„Нема пациент кој не е згрижен, сите капацитети се ставени во функција. Ќе дадеме сè од себе за да спасиме што повеќе животи“, рече Таравари.
Претходно МИА пренесе дека на Скопските клиники, во Градската хируршка болница „Свети Наум Охридски “ и во „8 Септември“ хоспитализирани се повеќе од 80 потешко повредените лица во пожарот што ноќеска се случи во дискотека во Кочани.
Прочитај повеќе
Трагедија во Кочани: Бројот на загинати се зголеми на 59 лица
Поради сериозност на повредите дел од повредените се пренесени во Клиничката болница во Штип, во Градската општа болница „8 Септември“ и на Скопските клиники.
пред 9 часа
Директорот на Градска болница „Свети Наум Охридски“, Небојша Насто потврди дека кај нив се примени досега 29 лица, меѓу нив и малолетници, со тешки изгореници на лицето, вратот и рацете.
Од ТОАРИЛУЦ за МИА изјавија дека кај нив досега примени се 31 лице, има и малолетници. Генерално сите со изгореници. Во ГОБ 8 Септември, примени се 17 лица. На Детска хирургија четири лица. Повеќето од повредените лица во пожарот во дискотеката во Кочани што се случи ноќеска се пренесени во кочанската општа болница каде се уште им се укажува медицинска помош.
Инаку, на социјалните мрежи утрово имаше апели од родители кои ги бараа свите деца незнаејќи каде се згрижени. Потоа, дел од медиумите објавија список од Министерството за здравство со имињата на хоспитализираните лица.
„Блумберг Адрија“ веќе објави дека во страшна трагедија синоќа при пожар во дискотека во Кочани животот го загубија 51 млади лица, а над 100 се повредени со изгореници.
.webp){kind=icon}
