text size
Американскиот претседател изјави дека не е подготвен превентивно да ги намали царините на стоки од Кина, со цел започнување значајни преговори со Пекинг околу трговијата. На прашањето на новинарите дали е отворен за повлекување на царините од 145 проценти на кинескиот увоз, за да ја доведе втората најголема светска економија на преговарачка маса, Трамп одлучно одговори: „Не“.
На повидок трговски договор со Обединетото Кралство
Од друга страна, се очекува Трамп во текот на денот да го објави постигнувањето трговски договор со Обединетото Кралство. Тој го најави тоа во објава на социјалните мрежи, наведувајќи дека ќе одржи прес-конференција во Овалната соба за да зборува за „значаен трговски договор со претставници на една голема и многу угледна земја“.
.
ЕКОНОМИЈА
Фед паузираше, но предупредува на ризици
Официјалните лица на американската централна банка третпат по ред ја задржаа референтната каматна стапка во опсег од 4,25 до 4,5 проценти, но и предупредија дека неизвесноста околу економските изгледи дополнително се зголемила. Креаторите на монетарната политика исто така предупредуваат дека се зголемени ризиците од забрзување на инфлацијата и скок на невработеноста. Претседателот на Фед рече дека нема да брза со намалување на трошоците за задолжување додека насоката на американската трговска политика не биде целосно јасна.
БЕРЗИ
Европа
Фјучерсите на европските акции утрово се тргуваат со добивки, откако американскиот претседател навести постигнување трговски договор со Обединетото Кралство. Се очекува администрацијата на Трамп да го објави тој договор, според извори запознаени со ситуацијата.
САД
Фјучерсите на американските индекси исто така се тргуваат во зелено, откако Федералните резерви третпат по ред ги задржаа каматните стапки на непроменето ниво. Сепак, претседателот на Фед предупреди дека се зголемени ризиците од забрзување на инфлацијата и раст на невработеноста. Пауел предупреди и дека централната банка нема да постигне напредок кон остварување на своите цели годинава доколку царините на Трамп останат во сила.
Азија
Акциите во азиско-пацифичкиот регион исто така се тргуваат претежно во зелено. По добивките, моментално предничат акциите во континентална Кина и Хонгконг, додека јапонските акции се тргуваат мешано.
.webp){kind=icon}
